“Äsäd - keşe üterüçe, BMO - keşe üterüçe"
Xälebtäge höcümnär İrannıñ Parij ilçelege aldında protest itelgän
Süriyäneñ Xäleb şähärendäge tınıç xalıqqa qarata höcümnär İrannıñ Parij ilçelege aldında protest itelgän.
İran ilçelege urnaşqan Iena mäydanında cıyılğan häm aralarında Süriyälelär dä bulğan keşe törkeme rejim yaqlı çit il terrorçılarnıñ Xälebtä başqarğan küpläp üterüne protest itkän häm qısqa waqıtta Xälebtäge qamawnı beterergä çaqırğan.
“Äsäd - keşe üterüçe, İran - keşe üterüçe, Obama - keşe üterüçe, Berläşkän Millätlär Oyışması - keşe üterüçe” şiğarlären äytkän törkem çit il terrorçı törkemnärneñ Xälebtä cinayät başqaruın beldergän.
Protest çarasında iranlılarnıñ da qatnaşuı kürelgän.
Awrupanıñ 27 şähärendä ictimaği oyışmalar Xäleb öçen ber ük waqıtta çara oyıştırğan.
Germaniyaneñ Köln şähärendä oyıştırılğan cıyında küp keşe qatnaşqan.
Törkiyä bayraqları kütärelgän, Qor’än-i Kärim häm doğalar uqılğan.
Protestçılar dönyanıñ qaysı cirendä bulsa da, zalimğa qarşı, mazlum yanında buluların kürsäter öçen cıyıluların assızıqlağan.
