Putin - Tramp söyläşüe

Rusiyä Federaśiyase däwlät başlığı Vladimir Putin Amerika Quşma Ştatlarınıñ 45nçe ilbaşı bulıp saylanğan Donal’d Tramp belän telefonnan söyläşkän.

Söyläşüdä Putin saylawdağı ciñüe belän Trampnı täbrik itep, yaña citäkçelek belän dialog qorırğa äzer buluın citkergän.

İke il mönäsäbätläreneñ citärsez däräcädä buluına iğtibarnı cälep itkän Putin häm Tramp iqtisadi xezmättäşlekne üsterüneñ möhim buluın assızıqlağan.

Süriyä krizisı da bäyälängän söyläşüdä ike lider “ber nomerlı urtaq doşman bulğan xalıqara terrorçılıq belän köräştä” xezmättäşlekneñ başqarıluı mäs’äläsendä urtaq fiker beldergän.

Kreml’dan yasalğan açıqlawda Putin häm Trampnıñ telefon söyläşülären däwam itterü häm alda küreşep söyläşü mäs’äläsendä kileşüe citkerelgän.