Klimat xisabı açıqlanğan
Artqan cılılıqtağı iñ möhim faktornıñ keşegä bäyle buluı belderelgän
Bötendönya Meteorologiya oyışmasınıñ Marokkoda oyıştırılğan Dönyaküläm klimat söyläşülärendä açıqlanğan 2011-2015 Dönyaküläm klimat xisabına kürä artqan cılılıqtağı iñ möhim faktornıñ keşegä bäyle buluı belderelgän.
Älege faktorlarğa ürnäk bularaq uglerodnı üz êçenä alğan kümer, neft’, tabiği gaz kebek fosil’ yağulıqlarnıñ qullanıluı kürsätelgän.
Xisapta fosil’ yağulıq qullanışınıñ cılılıqlarnı kim digändä 10 tapqırğa arttıruınıñ raslanuı mäğlümatı urtaqlaşılğan.
Xisap açıqlanğan cıyılışta çığış yasağan Bötendönya Meteorologiya oyışması ğomüm särqätibe Petteri Taalas: “Bu xisap 2015täge cılılıqnıñ xäzerge waqıtta urtaça 1 däräcägä artuın kürsätä,” – digän.
Könçığış Afrikada 2010-2011nçe yıllarda küzätelgän häm yaqınça 258 meñ keşeneñ ğomeren özgän qorılıqnıñ cılılıq artışına bäyle buluı urın alğan xisapta ayıruça 2015tä Paqıstan häm Hindıstandağı cılı dulqınnarnıñ 4 meñ 100dän artıq keşeneñ yaqtı dönyadan kitüenä säbäpçe buluına işarät itelgän.
