Kolumbiyada referendumnan soñ
Kolumbiyada İnqilapçı qorallı köçläre belän tınıçlıq kileşüennän soñğı referendumda tiskäre tawış çığuına qaramastan tınıçlıq tırışuları däwam itä.
Kolumbiya xökümäte häm Kolumbiya inqilapçı qorallı köçläre (FARC) arasında qul quyılğan tınıçlıq kileşüennän soñ ütkärelgän referendumda kileşügä tiskäre tawış çığuına qaramastan Kolumbiya İlbaşı Juan Manuel Santos oppoziśiya belän bergä tınıçlıqnı urnaştıru öçen tırışa.
Kileşü belän fetnäçelärgä bik yaxşı möğamälä kürsätelüe referendumda tiskäre tawışqa säbäp buluı assızıqlansa da, xäzerge waqıtta tınıçlıq urnaştırıluı Kolumbiya inqilapçı qorallı köçläreneñ tağın da qatı şartlarnı qabul itüenä bäyle.
Referendum näticäsenä qaramastan utnı tuqtatunıñ däwam itüe Berläşkän Millätlär Oyışması tarafınnan da täqdir kürä.
Referendumda tiskäre tawış birüçelär fetnäçelärneñ äfyun säwdäsennän (narkobiznesstan) qazanğan aqçanı tapşıruın, törmädä utıruın häm säyäsi kiläçäklären saylanmıyça Kongressta urın alıp tügel, tawış ärcäsendä qazanuların teli.
Häm Kolumbiya Däwlät başlığı Juan Manuel Santos häm dä FARC Kolumbiya inqilapçı qorallı köçläre liderı Rodrigo Londono Gavanada 4 yıl däwam itkän tınıçlıq satulaşuınnan soñ referendumda çıqqan tiskäre tawışqa baş iymiy. Tınıçlıq barışı ozaq häm qatlawlı bulsa da här ike lider da tınıçlıq öçen êşçänlek alıp baru häm utnı tuqtatunı däwam itterü mäs’älälärendä bergä êşläwdä täwäkkäl bulıp tora.
