BMO ğomum särqätibe almaşa
Bu wazıufağa BMO yuğarı komissarı Portugaliyanıñ êlekke premyer-ministrı Antonio Guterreşneñ saylanuı kötelä
Wazıyfa başqaru waqıtı yıl azağında tögällänäçäk Berläşkän Millätlär Oyışması ğomum särqätibe Ban Ki Moonnıñ urınına BMO yuğarı komissarı Portugaliyanıñ êlekke premyer-ministrı Antonio Guterreşneñ saylanuı kötelä.
BMO iminlek şurasındağı yabıq utırışta 10 namzät arasında ütkärelgän altınçı tawışqa quyuda veto wäqaläte bulğan daimi äğzalar Amerika Quşma Ştatları , Rusiya Federaśiyäse,Qıtay, Angliya häm Franśiya Guttereşqa qarşı çıqmağan.
6 nçı oktyabr’dä BMO ğomum şurasında uzaçaq räsmi tawışqa quyuda Antonio Guterreşneñ yaña ğomum särqätip buluı qatği kürenä.
Yaña BMO ğomum särqätibe wazıyfasına 2017 nçe yılnıñ 1 nçe ğinwarında kereşäçäk.
Xäzerge ğomum särqätip Ban Ki Moonnıñ wazıyfa başqaru waqıtı 31 nçe dekabr’dä tögällänäçäk.
Ban 5 yıllıq ike däwerdän tuplam 10 yıl wazıyfa başqardı.