Süriyädä utnı tuqtatu

Utnı tuqtatu berençe êtapta 48 säğät däwam itäçäk.

Amerika Quşma Ştatları däwlät särkätibe John Kerry Süriyädä başlanğan utnı tuqtatunı bäyäläde.

Süriyädä säyäsi çişeleştän tış başqa ber yulnıñ bulmawına iğtibarnı yünältüçe Kerry: "Bu berläşkän Süriyäne qotqaru öçen soñğı şans bula ala”, - dip äytte.

Utnı tuqtatunıñ il külämendä bäreleşlärneñ tuqtatıluın, humanitar yärdämneñ citkerelüen üz êçenä aluın belderüçe Kerry 7 kön axırında tınıçlıq däwam itkän oçraqta Amerikalı häm Rusiyäle räsmilär tarafınnan Urtaq ğamäl üzägeneñ tözeläçägen xäterlätte.

Bäreleşlär tuqtamağan yäki humanitar yärdäm ireşterelä alınmağan oçraqta çaranıñ däwam itmäyäçägen belderüçe Kerry: "Biregä adım adım kilep citelde. Çişeleş tä adım adım bula ala”, - dip äytte.

Süriyä rejimı Qorban bäyrämendä bäreleşlärneñ tuqtatıluı mäs’äläsendä Amerika belän Rusiyä arasında ireşelgän utnı tuqtatunı 18nçe sentyabrgä xätle böten üldä ütäyäçägen belderde.

Äsäd rejimı ğaskärneñ teläsä qaysı ber utnı tuqtatunı bozu oçrağına qarşı cawap birüe xoquqına iyä buluın assızıqladı.

Oppoziśiya utnı tuqtatu belän bäyle belderü yasamağan bulsa, cirle çığanaqlar oppoziśiyanıñ qayber tartınuları buluına qaramastan utnı tuqtatunıñ qabul itelüenä qağılışlı bäyäläw niyäten yörtüen citkerde.

Bu tartınular arasında utnı tuqtatunıñ ütälüe mäs’äläsendä nindi dä bulsa ber ışanıç birelmäwe kebek xosuslarnıñ buluına basım yasaldı.