Filippinnarda bombalı höcüm

Filippinnarnıñ Davao şähärendä ber bazarda bombalı höcüm oyıştırılğan.

Höcümdä 14 keşeneñ ğomere özelgän, 30dan artıq keşe yaralanğan.

Şartlaw Davaoda şaqtıy turist yörgän, yış räweştä cıyılışlar uzdırılğan töbäkneñ iñ tanılğan qunaqxanäläre yanında barlıqq kilgän.

Şähärdä soñğı waqıtta “DEAŞ” terror oyışmasın xuplağan Äbu Säyyaf terror oyışmasına qarağan operaśiyalär arqasında iminlek çaraları arttırılğan ide.

Däwlät başlığı Rodrigo Duterte saylanğançı 20 yıl tuğan şähäre bulğan Davaoda şähär xaqimiyäte başlığı wazifasın başqarğan ide.

Räsmiz atlar şartlawdan soñ Dutertenıñ da şähärdä buluın, läkin zıyannıñ kilmäwen beldergän.

Filippinnar däwlät başlığı wazifağa kiler kilmäs yasağan “narkotik qullanuçılarnı üterü” çaqıruı belän üzenä reakśiyalär kürsätelgän ide.

1nçe iyul’ könne wazifasına başlağan könnän alıp bügengä qadär narkobiznes belän şöğillänüe şöbhäse belän üterelüçelärneñ sanı 2 meñnän artqan.