Putin Grek gazetı öçen mäkalä yazğan
Rusiyä däwlät başlığı Vladimir Putin ile belän Awrupa Berlege (AB) arasındağı mönäsäbätlärdä çişelmiyäçäk mäsäläneñ bulmawın alğa sörgän
![Putin Grek gazetı öçen mäkalä yazğan](http://cdn.trt.net.tr/images/xlarge/rectangle/903f/dd31/5083/5746b63632874.jpg?time=1719099450)
Rusiyä däwlät başlığı Vladimir Putin ile belän Awrupa Berlege (AB) arasındağı mönäsäbätlärdä çişelmiyäçäk mäsäläneñ bulmawın alğa sörgän.
Putin Grek gazetı “Kathimerini” öçen ber mäkalä yazğan.
Mäkalädä Rus lider AB belän bik küp yaqlı urtaqlıqqa kire qaytu öçen ike tarafnıñ da berberseneñ fikerlären häm faydalarnı iğtibarğa alırğa kiräk buluın beldergän.
Fäqät Awrupa tarafınıñ qaraşı Putinnıñkı kebek kiläçäkkä ışanıç belän qarawçı tügel.
Awrupa şurası başlığı Donald Tusk Yaponiyadağı G7 yuğarı däräcäle oçraşuwında yasağan açıqlawda AB liderlarınıñ Rusiyägä qarşı sanktsiyäläreneñ barışın ozınaytaçağın uylağanın söylägän.
Tusk ABnıñ sanktsiyalarnıñ barışı mäsäläsendäge qaraş totışınıñ däwam itäçägen, çikläwçe çaralarnıñ Minsk kileşülärneñ tulısınça köyläwennän soñ ğämäldän çığarılaçağın söylägän.