PYD 6 qız-balanı urlağan

PKK terror oyışmasınıň Süriyӓdӓge törkeme PYD oyışma saflarına kertü öçen 12 yӓşlӓrendӓge 6 qız-balanı urlağan.

Cirle çığanaqlardan alınğan mӓğlümatqa kürӓ oyışma 4nçe may könne Kamışlıda tel öyrӓnü kursına barğan 2 qız-balanı urlap alıp kitkӓn.

PYDle terrorçılar balalarnı ilçӓneň 60 çaqrım könçığışındağı Tel Berrak şӓhӓrendӓge xӓrbi belem birü şӓhӓrçegenӓ alıp kitkӓn.

Moňa reaktsiya beldergӓn qız-balalarnıň ӓnilӓre PYDneň yaňa ӓğzalӓren terkӓgӓn bina aldında 3 kön zabastovka yasağan, lӓkin nӓticӓ ala almağan.

Oyışma 5nçe may könne dӓ Kobani (Ayn ӓl-Arap) awıl cirlegendӓge Kork awılında ber qız-balanı, 9nçı may könne Birhati awılınnan ike qız-balanı hӓm yanındağı iptӓşlӓren mӓktӓp yanınnan urlağan ide.

Çığanaqlar ber ӓti keşeneň qızın oyışma qulınnan qotqarıp, Törkiyӓgӓ cibӓrüen, monnan soň PYDneň ӓti keşene Kobanidӓ törmӓgӓ utırtuın beldergӓn.