12 balalı ğailӓgӓ yӓrdӓm qulın suzğan

Amerikan aktrisa hӓm rejissyer Angelina Jolie Kampuçiyada 12 balalı ğailӓgӓ yӓrdӓm qulın suzğan.

“Daily Mail” gazetı xӓbӓrenӓ kürӓ Jolie töşergӓn “First They Killed my Father” – “Başta ӓtiyemne üterdelӓr” isemle filme öçen ğailӓse belӓn uzğan yılnı Kampuçiyağa kitkӓn ide.

Jolienıň qızları Shiloh hӓm Zaharanıň Siem Reap şӓhӓrendӓ ğailӓneň balaları belӓn yal itkӓndӓ tanışuı hӓm qısqa waqıtta duslaşuı belderelgӓn.

Angelina Jolie hӓm üze kebek uyınçı bulğan tormış iptӓşe Brad Pitt bu ğailӓ öyenӓ barğan hӓm xӓyriyӓ oyışmaları taratqan azıq-tölek belӓn kön kürüçe ğailӓgӓ yӓrdӓm kürsӓtü qararın alğan.

Tanılğan par mӓktӓpkӓçӓ 8 bertuğannı ilneň iň yaxşı mӓktӓplӓrennӓn berse bulğan hӓm inglizçӓ belӓn Kampuçiyaneň rӓsmi tele bulğan Khmercӓ belem birüçe New York Xalıqara şӓxsi mӓktӓbenӓ yazdırğan hӓm barlıq çığımnarnı üzenӓ alğan.