Rusiyä Üzbäkstan burıçın sörtä
Taraflar Sovyetlar Berlege çorındağı finans eşçӓnleklӓrennӓn ike yaqlı bularaq waz kiçӓ
Rusiyӓ Federatsiyase Üzbӓkstannıň elekke Sovyetlar Berlegenӓ bӓyle Almaz fondınnan xaq talӓp itüdӓn waaz kiçkӓne öçen bu ildӓn alaçaq 865 million dolarlık burıçnı sörtkӓn.
Dӓwlӓt başlığı Vladimir Putin ike il arasında monnan alda imzalanğan, taraflarnıň finans dӓğwalardan ike yaqlı waz kiçüne küzdӓ totuçı kileşüneň raslanuı belӓn bӓyle qanunnı imzalağan.
Üzbӓkstan matbuğatına urın aluçı xӓbӓrlӓrgӓ kürӓ 25nçe mart könne Rusiyӓ Dӓwlӓt Duması, 30nçı martta Federatsiya Şurası tarafınnan raslanğan qanun çӓrşӓmbe könne Putinnıň imzalawı belӓn ğamӓlgӓ kergӓn.
Putinnıň 2014nçe yılnıň dekabr ayında Taşkentqa yasağan sӓfӓrendӓ imzalanğan ӓlege kileşügӓ kürӓ taraflar elekke Sovyetlar Berlege çorındağı finans eşçӓnleklӓrennӓn ike yaqlı bularaq waz kiçӓ.
Üzbӓkstannıň elekke Sovyetlar Berlegeneň Almaz fondın büleşü dӓğwasınnan waz kiçkӓne öçen Rusiyӓ bu ildӓn alaçaq 865 million dolarlık burıçın sörtӓ.
Üzbӓkstan ӓlege kileşüneň ğamӓlgӓ kerüennӓn soň Rusiyӓgӓ barı tik 25 million dollar külӓmendӓ burıç tülӓyӓçӓk.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan
