Amerika qitğasında zika

Braziliyada başlanğan kizü soñğı itep Kubada 28 yäşlek Venesuelalı studentka yoqqan.

Bötendönya sälamätlek saqlaw oyışması kürsätkeçlärenä kürä soñğı atnalarda Braziliya, Kolumbiya, Äl Salvador, Surinam häm Venesuelada bu awırunı yoqtıruçılar sanında artış küzätelgän.

Amerika Quşma Ştatlarınıñ Teksas ştatında ber keşegä zika virusı diagnozı quyılğan.

Virusnıñ uzğan atnada Frantsiyada da küzätelüe açıqlanğan.

Germaniya häm Şveytsariyadä ikeşär, Daniyadä isä ber keşedä zika virusı kürelgän.

Şveytsariyadäge awırularınıñ zika virusın Gaiti häm Kolumbiyada yoqtıruları açıqlanğan.

Daniyadäge zika oçrağınıñ isä könyaq Afrikadan qaytqan ber turistta kürelüe açıqlanğan.

Angliya, Şvetsiya, Portugaliya häm Hollandiyadä virüs kürelgän şäxeslärneñ annan alda Amerikada buluları öyränelgän.

Xäzergä qadär belenüçe iñ zur zika kizüe bularaq terkälgän epidemiya kübräk awıru xatın-qızlar öçen qurqınıç tudıra.

Äni keşedän virüs bäbigä küçä. Virüs Mikrosefali, yägni keçkenä baş xastalığın kiterep çığara.

13 meñ keşe zika virusın yoqtırğan Braziliyada barı tik üktäbr ayında ğına Mikrotsefaliya belän tuğan bäbi sanı yaqınça 4 meñ.

Virusnıñ barlıq oçraqlarda awırlı çaqta yoğuı açıqlanğan.

May ayında Braziliyada barlıqqa kilgän kizü çerkilär aşa barlıq Amerika qitğasına cäyelde diyärlek.

Berençe tapqır 1947nçe yılda Ugandanıñ zika urmannarındağı maymıllarda kürelgän virüs Aedes törendäge çerkilär aşa keşelärgä yoğa.

Yuğarı tän temperaturası, qosu, tändä taplar, baş, müşkül häm buınnarda awırtu kebek simptomnarı bulğan xastalıqnı däwalaw ısulı häm privivkası yuq.