"Törkiyä - ilebezneñ möhim partnerlarınnan"
Putin Mäskäwdä eş dönyasınnan wäkillär qatnaşqan ber investitsiya forumında çığış yasağan
Rusiyä Federatsiyase däwlät başlığı Vladimir Putin Törkiyäneñ ileneñ iñ möhim partnerlarınnan berse buluın äytkän.
Terrorçılıqqa qarşı Törkiyä belän xezmättäşlek mömkinleklären tudıru zarurlığın beldergän Putin tübändägeçä däwam itkän: “Änkara belän nindi mönäsäbät qoraçağıbıznı añlaw zarur.xäzerge waqıtta
Törkiyä belän Saqlanu ministrlıkları däräcäsendä elemtäbez bar. Bu elemtä koordinatsiyağa ireşer dip ömet itäm.”
Törkiyä belän Rusiyä arasında ozaq yıllar buyı yaxşı mönäsäbätlärneñ buluın assızıqlağan Putin: “Törkiyä Rusiyäneñ östenlekle partnerlarınnan häm yaxşı duslarınnan berseder. Mönäsäbätlärebez yıllar buyı bik yaxşı. Törek şirkätläre Rusiyädä 12 milliard sumlıq eş başqardı. Törkiyädän bazarıbızğa igençelek eşlänmäläre ölkäsendä import arttı. Bez dä Törkiyägä zur miqdarda energiya cibäräbez,” – digän.
Rusiyä xärbi oçqıçlarınıñ Törek hawa kiñlegen 10 kön buyı berniçä tapqır bozıp, törek F-16 oçqıçların tınıçsız itüe ike yaqlı mönäsäbätlärdä kiyerenkelek tudırğan ide.
Vladimir Putin Änkarada şimbä könne oyıştırılğan terror höcümennän soñ Törkiyä ilbaşı Räcäp Tayyip Ärdoğanğa şaltıratıp, qatğıları belän urtaqlaşqan berençe liderlardan berse bulğan ide.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan
