Merkeldän sıyınuçı problemasın çişü täqdime

Germaniya kantslerı Angela Merkel sıyınuçı krizisın çişüneñ ber genä yulı bulmawın belderep, berence çiratta keşelärneñ illärennän kitüenä säbäp bulğan problemağa qarşı köräşü kiräklegen citkergän.

Merkel BMO ğomum şurasında ütkärelgän däwam itterelä ala torğan qalqınu cıyılışında yasağan çığışında xalıqara cämğiyätneñ 2030 nçı yılğa qadär çiktän tış fäqirlekne beterü qararına kilüenä basım yasap,”Dönyanı üzgärtergä telibez häm bez monı eşli alabız”dip äytkän.

Qalqınu, üseş öçen tınıçlıqnıñ möhim rol uynawın belderüçe Angela Merkel suğış, terror häm qırıslıqtan qaçarğa mäcbür bulğan millionnarça keşe öçen yaxşı kiläçäk ömeteneñ kimüen beldergän.

Germaniya kanstlerı 2030 nçı yılğı maqsatlarğa ireşü häm barlıq keşelärneñ keşeçä yäşäwlären tä’min itü öçen böten illärneñ bergä eşçänlek başqaruı kiräklegen assızıqlağan.