Sabıynıñ räseme bar dönyanı tetränderde

Keçkenä Aylannıñ Bodrum yar buylarına yözep kilgän mäyete bar dönyanı teträndergän.

Dönyanıñ här poçmağında meñnärçä keşe uyğa qalğan.

Sotsial’ mediağa Aylannıñ räsemnäre quyılğan, yullamalar yazılğan, kampaniyalar başlatılğan.

Möhacirlek dramasına bitaraf qalğan Awrupalı säyäsätçelär borçıluların citkergän.

Şvetsiya tışqı eşlär ministr ber televideniye programmasında Aylannıñ räsemen kürep, küz yäşlären tota almağan.

Ministr Margo Wallström: “Bu wazğiyät däwam itkän sayın borçuıbız häm xäsrätegez betmäs,” – digän.

Angliya Premyer-ministrı Cameron keçkenä sabıy räsemen kürep, tetränüen beldergän.

Keçkenä Aylan Awrupağa barıp citä almadı, läkin Awrupa anıñ üleme belän qaçaqlarnıñ dramasın yaxşıraq añladı.

Awrupa Berlege tışqı eşlär ministrları comğa könne ğadättän tış cıyılğan.

İngliz gazetları “The Sun” häm “Daily Mail” xäbärläre öçen tübändäge mäqala başlıqların qullanğan: “Bu balalar öçen närsä eşläp bula?”, “Niçek yärdäm kürsätä alabız?”

“The Sun” “Aylan öçen” dip atalğan häm qaçaq balalarına bağışlanğan yärdäm kampaniyasen başlatqan.

“The İndependent” gazetı da başlatqan kampaniyaneñ şiğare - “qaçaqlar kiçerüçe dramağa iğtibarsız qalmiq, añlı buliq”.

Gazetlarğa Braziliyadän alıp Marokkoğa, Awstraliyadän alıp Germaniyağa qadär şaqtıy uquçıdan yullama kilgän.

Qayber uquçılar “Aylan monda bulırğa tiyeş ide” dip yazılğan futbolkalar kiyep töşkän räsemnären cibärgän.

Aylannıñ traegidk xikäyäse karikaturalarda da urın alğan.

Angliyada xökümätkä çaqıru yasağan ictimaği oyışmalar başlatqan imza kampaniyasendä ber täwlek eçendä 200 meñnän artıq imza cıyılğan.

Kanadağa sıyınu möräcäğate kire qağılğan Aylannıñ üleme bar iğtibarnı xökümätkä yünältkän.

Premyer-ministrnıñ qaçaq mäs’äläsendäge säyäsäte qırıs räweştä tänqitlängän, Möhacirlek ministrı saylaw kampaniyasen tuqtatıp torğan.