Höcümne Taliban üz östenä alğan

Taliban Äfğanstan Parlamentına 4 bombalı intixar höcüme oyıştırğan. Barlıqqa kilgäñ bäreleştä 6 suğışçı üterelgän.

Höcüm Äfğanstan däwlät televideniyesı parlament utırışın turıdan-turı tapşırğan waqıtta oyıştırılğan.

Saqlanu ministrı Masum Stanekzai wazifanı qabul itär öçen mäcleskä kergän waqıtta ber-ber artlı şartlawlar barlıqqa kilgän.

Bu waqıtta parlament täräzäläre watılğan.

Taliban mäcleskä kergän urında intixar höcüme oyıştırğan, soñınnan bäreleş çıqqan.

Taliban süzçese sotsial’ mediada yasağan açıqlawında suğışçılarnıñ parlamentka kerlären citkergän.

Küzätelgän xaos waqıtında xalıq ışanıçlıları binadan çıqqan, 2 säğat tiräse barğan bäreleştä 6 suğışçı üterelgän.

Höcüm häm çıqqan bäreleştä 25 keşe yaralanğan, tınıç xalıq häm ğaskärlärneñ yaqtı dönyadan kitüe açıqlanğan, läkin tögäl kürsätkeç äytelmägän.

Äfğanstan armiyase soñğı atnalarda ilneñ tönyağında Taliban häm Äl Kaidä maqsatlarına qarata operatsiyalären arttırğan.