İzrail yänä Ğazzäne bombalağan
Cirlärenä raketanıñ ırğıtıluı nigeznamäse belän İzrail Ğazzägä hawadan höcüm oyıştırğan
Refah häm Han Yunus şähärläre belän tönyaqtağı Beyt Lahiye şähärçegenä oyıştırılğan bombalı höcümnärdä İslami Cihad xäräkäte urınnarı belän igen-basular maqsat itep alınğan.
Höcümnärdä ülüçe häm yaralanuçı yuq.
Maqsat itep alınğan urınnar yanındağı qayber öylär zıyan kürgän.
İzrail suğış oçqıçları höcümnärdän soñ Ğazzä kük yözendä ozaq waqıt oçıp yörgän.
İzrail armiyase sişämbe könne Ğazzädän raketanıñ ırğıtıluın açıqlağan häm ilneñ könyağındağı Aşdod şähärendä mäktäplär yabılğan ide.
İzrail ğaskärläre Yordannıñ könbatış üzänlegendä bäreleşlärdä qatnaşuları nigeznamäse belän ezlänüçe 23 Fälästin keşesen qulğa alğan.
İzrail köçläre Yordannıñ könbatış üzänlege häm Könçığış Qudüstä yış räweştä basıp alular oyıştırıp, törle däğwalar belän Fälästinlelärne saq astına ala.
Fälästinneñ Äsirlär ministrlığı kürsätkeçlärenä kürä İzrail törmälärendä 6 meñ 500dän artıq Fälästin watandaşı utıra.
Bäyläneşle xäbärlär
![Mäskäwdä dawıl: ülüçelär bar](http://cdn.trt.net.tr/images/medium/rectangle/705c/6c00/08d0/6675487fd5421.jpg?time=1719027822)
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan