Argentina-Rusiyä partnerlığı
İke il arasında energetika belän ber rättän törle ölkälärdä 20 kileşü imzalanğan
Rusiyä Federatsiyase däwlät başlığı Vladimir Putin Argentina ilbaşı Cristina Fernandez Kirchner belän Mäskäwdä küreşep söyläşkän.
Kremlda uzğan söyläşüdä iqtisadi häm säwdä ölkäsendäge mönäsäbätlär alğı planğa çıqqan.
Rusiyä häm Argentina arasında ike yaqlı säyäsi mönäsäbätlärneň qorıluınıň 130 yıllığı qısalarında uzğan säfärdä Putin häm Kirchner strategik partnerlık deklaratsiyasen imzalağan.
Moňa kürä ike il energiya üzäk stantsiyaläreneň yaxşırtıluı häm ber-berseneň aqça berämleklären qullanu mäs’äläsendä kileşkän.
5 milliard dollar külämendäge kileşügä kürä “Gazprom” şirkäte Argentinanıň tabiğıy gaz çığanaqlarınıň çığarıluında xezmättäşlek başqaraçaq.
Rusiyädäge atom-töş stantsiyase şirkäte “Rosatom” da Argentinada qorılaçaq 6 atom-töş stantsiyaseneň tözeleşendä qatnaşaçaq.
Rusiyä Federatsiyase häm Argentina Berläşkän Millätlär Oyışması häm G20dä başqarğan eşçänleklärendä dä xezmättäşlekne nığıtu qararına kilgän.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan
