Ukrainadan qapma-qarşılıqlı xäbärlär

Utnı tuqtatuğa qaramastan bäreleşlär däwam itkän Debaltsevo şähärennän qapma-qarşılıqlı xäbärlär kilä.

Rusiyä tarafdarlarınıñ şähärneñ kontrolen qulğa töşerüe häm 300 Ukrainalı ğaskärğä tozaq qoruı äytelä.

İkençe yaqtan qamap alınğan şähärdäge yözlärçä Ukraina ğaskäreneñ Rusiyä tarafdarlarına birelüe belderelä.

Ukraina armiyase yanında suğışuçı qorallı törkemnär liderı Debaltsevodan planlı räweştä çigelä başlawların citkergän.

Qorallı törkemnär Rusiyä tarafdarların yullarnı yabıp, ğaskärlärneñ şähärdän kitüenä qomaçawlaw belän ğayeplägän.

Rusiyäneñ xäbär agentlığı isä yözlärçä Ukraina ğaskäreneñ Rusiyä tarafdarlarına qoralların tapşıruın beldergän.

Rusiyä yaqlı törkemnär monnan alda Ukraina ğaskärlärenä şähärdän kitüläre öçen humanitar yul açunı täqdim itkän ide.

Ukrainanıñ Terrorçılıq belän köräş üzäge süzçese, polkovnik Andrey Lisenko isä Ukraina ğaskärläreneñ höcümnärne kire çigüen häm däwamlı höcümnärgä qaramastan torışların saqlap qalırğa tırışuın açıqlağan.