"Mäçet bulmaw zur citeşsezlek"

Kubada yäşäwçe möselmannar ildä mäçet bulmawnı zur citeşsezlek, kimçelek bularaq bäyälägän häm dini wazıyfaların cirenä citkerü öçen mäçet tözelüen sorağan.

Dini burıçların öylärendä ütägän möselmannar comğa namazı öçen dä şul uq ısulnı qullana ikän.

Gavanadağı Kuba İslam cämğiyäteneñ xatın-qızlar komitetında İslamnı cäyelderü öçen tırışuçı Şahida Abdülgafur Bertha:”Öslek mäydanı häm xalıq sanı yağınnan Kubadan tağın da keçkenä bulğan Gayanada da mäçet bar. Kubada da mäçet tözelüen telibez”,-dip beldergän.

Uzğan atnada Kubağa räsmi säfär yasağan Törkiyä ilbaşı Räcäp Tayyip Ärdoğan Kuba däwlät başlığı Raul Castro belän küreşep söyläşkandä Törkiyäneñ Kubada törek arxitektura ürnäge belän mäçet tözü telägen citkergän ide.

Kubada yaqınça 4 meñ möselman yäşi.