İzrail zondaj eşçänleklären başlatqan

İzrailneñ “Jerusalem Post” gazetında urın alğan xäbärgä kürä “Afek” tabiğıy gaz häm neft şirkäte İzrail xökümätennän monnan alda alğan röxsät belän bu ilneñ yawlaw astındağı Golan qalqulıqlarında zondaj eşçänleklären başlatqan.

İzraildağı Konstitutsion mäxkämä uzğan yılnı şirkätneñ zondaj eşçänleklären waqıtlıça tuqtatqan, 23nçe dekabr könne tuqtatu qararınıñ beterelüennän soñ ğinwar urtalarında başqarıluı planlanğan zondaj eşçänlekläre tirä-yaq moxitnı saqlawçı törkemnärneñ protestları arqasında küp tapqır kiçekterelgän ide.

1967nçe yılğı Altı kön suğışı waqıtında İzrail tarafınnan yawlap alınğan Süriyäneñ Golan qalqulıqları 1981nçe yılda xalıqara xoquqlar bozılıp, İzrail cirlärenä quşılğan ide.

Golan qalqulıqları Süriyä belän İzrail çigendäge strategik qimmät yanında İzrailneñ iñ zur su çığanağı bulu häm neft zapasların saqlaw cähatlärennän dä zur ähämiyätkä iyä.

Süriyädäge watandaşlar suğışı İzrailneñ töbäktä tağın da irekle räweştä xäräkät itep, üz faydasına ozın möddättä ber yaqlı adımnar yasawına da uñaylı şartlar tudıra.