Hindıstanda yänä sälamätlek ğawğası

Hindıstannıñ tönyağında ber yärdäm cämğiyäte eşlätkän meditsina üzägendä tüläwsez katarakta operatsityäse yasalğan 24 keşe suqır qalğan.

Waqiğa belän bäyle tikşerü başlatılğan.

Operatsiyälär noyabr ayı başında 50 yäştän olıraq 130 keşegä yasalğan.

Qayberläre kürü säläten yuğaltqan, qayberlärenä infektsiya kergän.

Tabiblar xastalarnıñ qabat kürä alu mömkinlegeneñ tübän buluın beldergän.

Waqiğa belän tikşerü başlatqan politsiya ber tabibnı qulğa alğan.

Hindıstanda uzğan ay da qısırlaştıru operatsiyäse kiçergän 13 xatın-qıznıñ ğomere özelgän bula.