Äfğanstanda "Taliban"ğa qarşı operatsiya

Eçke eşlär ministrlığınnan yasalğan yazma belderüdä soñğı täwlektä Belh, Kandahar, Zabil, Paktika, Herat, Badgis, Kapisa häm Helmand vilayätlärendä oyıştırılğan operatsiyälärdä 86 “Taliban” suğışçısınıñ üterelüe, 62seneñ dä yaralanuı äytelde.

Belderüdä küp sanda qoral häm şartlatqıç konfiskatsiyälängän operatsiyalär waqıtında 6 suğışçınıñ qulğa alınuı häm “Taliban”nıñ Qandahar, Cävizcan häm Herat vilayätlärendä urnaştırğan altı bombanıñ tä’sirsez xälgä kiterelüe assızıqlandı.

Soñğı waqıtlardai il külämendä “Taliban” höcümnäreneñ artuı arqasında Äfğanstan köçläre kiñ qolaçlı operatsiya başlatqan ide.

“Taliban” isä yasağan açıqlawında Kapisa vilayätenä bäyle Näcrab rayonında 2 äfğan politsiya xezmätkären üterüen, Äfğanstannıñ törle töbäklärendä dä oyışma oyıştırğan unnarça höcümdä küp sanda äfğan häm çit il ğäskäriyeneñ häläq buluın alğa sörde.