Yaxşı tormış artınnan ülemgä taba
Här yıl yözlärçä qaçaq diñgezlärdä yaqtı dönyadan kitä
95805
Bar dönyada suğış, açlıq, fäqirlek häm säyäsi basım arqasında illärennän kitärgä mäcbür bulğannarnıñ sanı här yıl arta bara.
Bu keşelär öçen Awrupa yaxşı tormış urını bularaq kürelä.
Awrupağa diñgezdän barırğa telägän yözlärçä qaçaq köymälärdä awır könnär kiçerä.
Qaçaqlarnıñ Awrupağa kerü qapqalarınnan berse bulğan İtaliyağa bıyıl 100 meñnän artıq keşe köymadä kilde.
İtaliya Awrupa Berlegennän yärdäm soradı.
Awır säfärlärdä ğomere özelüçelär sanında da artış küzätelä.
Berläşkän Millätlär Oyışması uzğan ayda 800 qaçaqnıñ Urta diñgezdä yaqtı dönyadan kitüen açıqladı. Bu kürsätkeç 2013nçe yılda 600 ide.