Qıtayda may ayındağı afätlärdä 126 keşe hälaq bulğan

Qıtayda soñğı 1 aydağı tabiği afätlärdä 126 keşeneñ ğomere özelde.

Qıtay watandaşlıq eşläre ministrlığı beldergänçä, ildä uzğan ayda küzätelgän tabiği fäläkätlärdä 21 million 800 meñ keşe zıyan kürgän , 777 meñ keşe yäşägän urınnarınnan başqa cirgä küçep kitärgä mäcbür bulğan.

May ayındağı tabiği fäläkätlärdä 54 meñ yort cimerelgän, 323 meñ yort zarar kürgän, 2 million 400 meñ gektar igen mäydanına zıyan kilgän.

Qıtay älege fäläkätlärdä yaqınça 4 milliard 17 million dollar matdi yuğaltuğa duçar bulğan.

İldä ağımdağı yılnıñ may ayında köçle yawım-töşemnärgä bäyle su basu, cir ubılu , şulay uq qorılıq, urman yanğını häm cirteträw kebek küp sanlı tabiği afätlär küzätelde.