İzrailgä qoral taşuçı korablar İspaniyada tuqtala almıy

İspaniyä İzrailgä qoral häm xärbi kiräk-yaraq taşuı uylanıluçı 2 korabnıñ üz portlarına yaqınlaşuına röxsät birmäde.

İlneñ matbuğatında çağılğan häm tışqı êşlär ministrlığı raslağan xäbärlärdä korablarnıñ 31nçe oktyabr’ häm 4nçe noyabr’ könnärendä AQŞnıñ N’yu-York şähärennän quzğaluları äytelä. Alar İspaniyäneñ kön’yağındağı Al’xesiras portında tuqtalırğa röxsät sorıy.

Xäbärlärdä xökümät wäqalätleläreneñ “Bu korablar İspaniyädä tuqtamayaçaq” digän süzlärenä urın birelä.

İspaniyä İzrailneñ Fälästingä qarata höcümnäre başlanğan 2023nçe yılnıñ 7nçe oktyabrennän birle Tel’-Aviv idaräsenä qoral häm xärbi kiräk-yaraq satunıñ tuqtatıluın yaqlıy.  

Şul uq waqıtta, qayber partiyälärneñ wäkilläre axırğı 1 yılda AQŞtan quzğalğan häm İzrailgä qoral taşuçı kimendä 1185 korabnıñ İspaniyä sularınnan kiçüen belderä. Bu xaqta alar mäxkämägä häm tışqı êşlär ministrlığına şiqayät’ citkerde. Säyäsätçelär İzrailgä qoral satudağı härtörle xezmättäşlekneñ beterelüen taläp itä.