Braziliyada protest çığışları

Braziliyada oyıştırılaçaq 2014 Dönya kuboğı futbol uyınnarına sanawlı könnär qala ildäge uramnar suğış alanına äylände.

Rio de Janeyroda protestçılar 9 avtobusnı yandırdı.

1 keşe atılıp, yaralanğan waqiğalarda şaqtıy keşe dä qulğa alındı.

Braziliyanıñ Sao Paulo şähärendä yözlärçä rizasızlıq belderüçe yänä uramnarğa ağıldı.

Şähärneñ könçığışındağı ber metro stantsiyase aldında cıyılğan protestçılar politsiya belän bäreleşte.

Dönya kuboğı uyınnarına sarıf itelgännärne protest itüçe keşelärner ber öleşe xökümät binası aldında cıyıldı.

Politsiya belän bäreleşüçelär tirä-yaqnı suğış alanına äyländerde.

Politsiya su häm küzdän yäş kiterüçe gaz qullandı.

Çığışlarnıñ ikençe adresı da Rio de Janeyro ide.

Şähärdäge röxsätsez öylär urnaşqan ike mäxällädä 9 avtobuska ut törtelde.

Protestçılarnıñ yulçılarnı avtobuslardan mäcbüri räweştä töşergännän soñ avtobuslarnı yandıruları belderelde.
Waqiğalarda 1 keşe yaralandı, şaqtıy keşe dä qulğa alındı.

İyun ayında başlanaçaq 2014 Dönya kuboğı uyınnarında 100 meñnärçä turistnı qunaq itäçäk ildäge waqiğalar borçu tudıra.