Belem ofığı 27

Aldağı yazmabızda Törkiyäneň könçığışında urnaşqan häm tiňsez güzällege belän sixerläwçe Van şähären tanıtqan ide. Vandağı Yözençe yıl universitetında belem alu, tulay toraqlar, stipendiya häm sotsial’ tormış turında aňlattıq. 

Bu uňışlı yuğarı uqu yortı turında aňlatılaçaq tağın küp närsä bar. Äydägez, qabat Van şähärenä, Yözençe yıl universitetına qabat basrıp qaytiq.

Uqu yortında wazifa başqaruçı uqıtuçı-ğalimnärdän bu yulı çit il uquçıların universitetta cälep itüçe närsälärneň buluın soriq:

“Yözençe yıl universitetındağı uquçı yäşlärneň barısınıň da diyärlek tulay toraqta yäşäw mömkinlege bar. Bezne uqu yortıbız Törkiyäneň iň zur küle bulğan Van küle yar buyında urnaşqan. Universitet şähärçegendä härtörle sport töre belän şöğillänü urınnarı bar.
Milli häm xalıqara ğilmi häm sotsio-mädäni çaralar yuğarı däräcädä çınğa aşa. Cirle, milli häm xalıqara çaralarğa uquçılar zur qızıqsınu kürsätä.

Tiňsez manzarası, tarixi qorılmaları, kön eçendä 7 törle töskä kerüçe Van küşeneň sixrilege häm qoyaş bayuı belän onıtılmaz tä’sirlär qaldıruçı Van cirendä belem alu uqu yortıbıznıň ayırmalılığın kürsätä.”

Yözençe yıl universitetı üz işeklären çit il uquçılarına ozaq waqıt elek açtı. Xäzerge waqıtta monda 16 ildän 274 çit il uquçısı belem ala. Könyaq Koreyadan Keniyağa, Fälästinnän Amerika Quşma Ştatlarına qadär dönyanıň här poçmağınnan kilgän yäşlär bar. Yözençe yıl universitetınıň aktiv uqu yortı buluın äytä alabızmı? Yözençe yıl universitetı 7 il häm 24 yuğarı uqu yortı belän Mäwlana uquçı yäşlär häm uqıtuçı-ğalimnär belän almaşu programması qısalarında berençe protokolnı imzaladı. Farabi programmasında 65 universitet belän häm Erasmus programması qısalarında 25 universitet, 15 il belän partnerlıklar qorıla. Van Yözençe yıl universitetı URAP Tikşerenü laboratoriyase tarafınnan açıqlanğan 2013 Törkiyädäge däwlät universitetları arasında 26nçı urında bulğanw aqıtta “Dönyanıň iň yaxşı 2000 universitetı” isemlegendä 1359nçı bula. Bu uňışları belän ber rättän belem, sport belän bäyle häm mädäni ölkädä şaqtıy uňışqa ireşä.

Bu şähär häm qunaqçıl keşeläre belän sawbullaşqançı soňğı itep süzne Yözençe yıl universitetı rektorı Prof. Dr. Peyami Battalğa biräbez:

“Çit ildä yuğarı belem alaçaq yäisä magistraturada uqıyaçaq barlıq yäşlärne Milli häm xalıqara mäydanda üz ayırmalığın kürsätep, isbatlağan Yözençe yıl universitetında uqırğa häm ğailäbezneň ber öleşe bulırğa çaqıram. Kül buyındağı güzäl şähärçektä onıtılmaz könnären kiçerer öçen alarnı kötep qalabız.”

Van - Anadolunıň könçığışında 10 meň yıllıq tarix häm mädäniyät mirası yäşäp kilgän şähär.

Distälärçä tsivilizatsiyane häm tiňe äz bulğan mädäniyät berekmäsen qoyaş şähäre Tuşpadan bügenge köngä qadär citkerep kilgän cirlär. Könçığış belän könbatış oçraşqan, ışanular belän ğilem kiseşkän urın. Här yıl fasılı qoyaşlı häm cılı klimatlı bulğan Van küle. Tiňsez manzarası, härberseneň ayırmalı güzällege bulğan tarixi qorılmaları, kön eçendä 7 törle töskä kerüçe külneň tä’sirläwçe häm sixri qoyaş batuı.

Bez bu sixri şähärdän kitärgä ber dä telämibez, läkin, qızğanıç, xuşlaşu säğate kilde.