Ärmänstannıñ keşesez hawa apparatı töşerelde
Bu xaqta Azärbaycan saqlanu ministrlığı açıqladı
Azärbaycan armiyaseneñ Ärmänstanğa bäyle ber keşesez hawa apparatın töşerüe belderelde.
Mäs’älä belän bäyle açıqlawnı Azärbaycan saqlanu ministrlığı yasadı.
Açıqlawda Ärmänstan armiyasenä bäyle keşesez hawa apparatınıñ bügen irtänge sägät’lärdä Naxçıvan üzidaräle cömhüriyäteneñ Sederek häm Şerur töbäkläre yağında oçqan waqıtta töşerelüe citkerelde.
Şul arada Ärmänstan armiyase Azärbaycannıñ Siyezen, Gebele häm Kürdemir vilayät’lärenä balistik raketa ırğıttı.
Azärbaycan saqlanu ministrlığınnan yasalğan açıqlawğa kürä bügen cirle sägät’ belän irtänge 07.00 tiräsendä Siyezen vilayätenä 3, sägät’ 09.00 tiräsendä Gebele vilayätenä 2, Kürdemir vilayätenä isä 1 raketanıñ ırğıtıluı belderelde.
Raketalarnıñ Ärmänstan cirlärennän ırğıtıluı urın alğan açıqlawda ğayepsez keşelärneñ maqsat itep alınuı citkerelde.
Açıqlawda höcümnärdä ülüçelärneñ bulmawı äytelä.
Bäyläneşle xäbärlär
Törkiyä ministrı Üzbäkstanda
Ğailä häm sośial’ xezmätlär ministrı Üzbäkstan ğailä häm xatın-qızlar komitetı başlığı belän oçraştı
