د تورکیې ولسمشر رجب طیب اردوغان د هنګري د لومړي وزیر ویکتور اوربان په بلنه بوداپست ته تللی دی.
ولسمشر اردوغان هنګري ته تللی دی
د تورکیې ولسمشر رجب طیب اردوغان د هنګري د لومړي وزیر ویکتور اوربان په بلنه بوداپست ته تللی دی.
له ولسمشر اردوغان نه د بوداپست په فیرنک لیزټ نړیوال هوايي ډګر کې د هنګري د بهرنیو چارو او بهرنۍ سوداګرۍ وزیر پیټر سیجارتو، په انقره کې د هنګري سفیر ویکتور ماتیس، د هنګري د بهرنیو چارو د وزارت د پروتوکول عمومي رئیس انیټ ورګا، په بوداپست کې د تورکیې د سفیرې ګلشن قره نیس هر کلی وکړ.
هنګري ته د اردوغان سفر د تورکیې او هنګري ترمنځه په لومړۍ نړۍواله جګړه کې د پرې شوو اړیکو د بیرته رغولو په موخه د لاسلیک شوي د دوستۍ د تړون د سلمې کلیزې په مناسبت هم د ځانګړې اهمیت نه برښمند دی.
تمه ده چې د دې سفر په ترڅ کې به د دوه اړخیزو سیاسي، دیپلوماتیکو او اقتصادي اړیکو ارزونه وشي.
اردوغان به د هنګري له ولسمشرې کاتالین نوواک او لومړي وزیر ویکتور اوربان سره وګوري.
په لیدونو کې به په اروپايي ټولنه کې د تورکیې د غړیتوب او غزې په وروستي وضعیت، د تورکیې او هنګري په اقتصادي او سیاسي اړیکو په ګډون په یو زیات شمیر مسئلو خبرې وشي.
همداشان ددې سفر په ترڅ کې به د تورکیې او هنګري ترمنځه په لوړه کچه د ستراتیژیکو همکاریو شورا غونډه هم وشي.
تمه کیږي چې ددې سفر په ترڅ کې د تورکیې او هنګري ترمنځه په اقتصادي، سیاسي، انرژۍ، دفاعي صنایعو او کولتوري په برخو کې ۱۶ د همکارۍ سندونه لاسلیک شي.
اړوند خبرونه
ولسمشر اردوغان د لبنان د لومړی وزیر میقاتي سره ټیلیفوني خبرې وکړې
د تورکیې ولسمشر رجب طیب اردوغان د لبنان له لومړي وزیر نجیب میقاتي سره ټیلیفوني خبرې وکړې.