د تورکیې په توره بحیره کې د زورور توپان له امله یوه بار وړونکې کښتۍ ډوبه شوې
د تورکیې د تورې بحیرې په سیمه کې د زونګولداک په ولایت کې د شدید باران او زورور توپان په نتیجه کې یوه کښتۍ په سمندر کې ډوبه شوه.
د تورکیې د تورې بحیرې په سیمه کې د زونګولداک په ولایت کې د شدید باران او زورور توپان په نتیجه کې یوه کښتۍ په سمندر کې ډوبه شوه.
د تورکیې د کورنیو چارو وزیر علي یرلي کایا وویل چې تیره ورځ د هیواد په لویه برخه کې د ډیرو شدیدو بارانونو او توپان له امله ګنشمیر ځاني او مالي زیانونه رامنځته شوي دي.
هغه وویل چې له بده مرغه د زونګولداک ولایت په ایریغلي ولسوالۍ کې د سخت باران او طوفان له امله ۲ کښتیو زیان لیدلی او یوه بله په سمندر کې ډوبه شوې ده .
د کورنیو چارو وزیر زیاته کړه چې د ډیر شدید باران او زورور توپان له امله د ژغورنې ټیمونه سیمې ته نشو نږدې کیدی. د توپان د سرعت د کمیدو سره په سیمه کې د پلټنې چارې پيل شوي دي. په کښتۍ کې ۱۲ تنو شتون درلود چې له بده مرغه ټول لا درکه دي او تر اوسه پورې ترینه کوم خبر ندی ترلاسه شوی .
هغه وویل چې د تیرې ورځې په بارانونو او توپان کې په دیاربکر او باتمان ولایتونو کې دوو تنو ژوند د لاسه ورکړی دی او تر ۵۰ تنو ډیر کسان ټپیان شوي دي.
ټپیان روغتونونو ته انتقال او د درملنې لاندې نیول شوي دي.
