تورکيې په ناټو سازمان کې د سویډن د غړیتوب د تصویبولو په برخه کې یو بل مهم ګام اوچت کړ.

تورکيې په ناټو سازمان کې د سویډن د غړیتوب د تصویبولو په برخه کې یو بل مهم ګام اوچت کړ.

د تورکیې ولسمشر رجب طیب اردوغان د ناټو په سازمان کې د سویډن د غړیتوب اړوند پروتوکول لاسلیک او د تصویب په موخه يي ملي شورا ته ولیږه.

 د تورکیې د  ولسمشرۍ ماڼۍ  د رسنیو دفتر  د ټولنیزې رسنیو لخوا په خپور کړي بیان کې ویلي دي  چې، " د ناټو په سازمان کې د سویډن د غړیتوب  پروتوکول د تورکیې د ولسمشر، رجب طیب اردوغان لخوا د ۲۰۲۳  کال د اکتوبر په ۲۳ لاسلیک شو او د تصویب لپاره تورکیې ملي شورا ته واستول شو."

د سویډن لومړي وزیر الف کریسټرسن د ولسمشر اردوغان لخوا د سویډن سره د ناټو د الحاق پروتوکول لاسلیک کولو څخه خوښي څرګنده کړه.

کریسټرسن په خپل ټولنیزه میډیا پاڼه کې په خپله وینا کې ویلي، موږ د ولسمشر اردوغان له خوا د سویډن د ناټو د غړیتوب پروتوکول د لاسلیکولو او د تورکیې ملي شورا ته د وړاندې کولو هرکلی کوو، د پارلمان کړنلارې به اوس پیل شي. موږ د ناټو غړیتوب ته سترګې په لار یو. "

د ناټو عمومي منشي ینس سټولټنبرګ هم د ولسمشر اردوغان لخوا د سویډن د الحاق پروتوکول د لاسلیکولو او د تورکیې ملي شورا ته د هغه د وړاندې کولو هرکلی وکړ.

سټولټنبرګ وویل:

"زه د تصویب په اړه ګړندۍ رایې او د ناټو د بشپړ متحد په توګه د سویډن هرکلي ته سترګې په لار یم. لکه څنګه چې ما د اونۍ په پای کې له ولسمشر اردوغان سره زموږ په لیدنه کې څرګنده کړه چې دا به ټول اتحاد پیاوړی او خوندي کړي."

د امریکا د بهرنیو چارو وزارت ویاند متیو میلر وویل:

"موږ د دې ګام هرکلی کوو. موږ تمه لرو چې دا لایحه ژر تر ژره د تورکیې په ملي شورا کې هم تصویب شي."