اردوغان : هغه کسان چې د اسرائیلو لخوا پر غزې د روانو بریدونو اور باندې تیل شیندي هغوې هم مسئول دي
اردوغان : د اسرائیلو لخوا په غزه کې پر روغتون برید د قتل نه پرته بله معنا نلري
![اردوغان : هغه کسان چې د اسرائیلو لخوا پر غزې د روانو بریدونو اور باندې تیل شیندي هغوې هم مسئول دي](http://cdn.trt.net.tr/images/xlarge/rectangle/ed22/136a/0886/6530f5f13d75a.jpg?time=1718972289)
د تورکیې ولسمشر رجب طیب اردوغان وویل چې تورکیه به لومړی په منځني ختیځ کې د بشردوستانه اوربند او بیا د دایمي ثبات د رامنځته کولو لپاره کار ته دوام ورکړي.
ولسمشر اردوغان په ټولنیزه مډیا کې په خپله پاڼه په خپور کړي پیغام کې د سعودي عربستان په جده ښار کې د اسلامي همکاریو د سازمان د اجرایوي کمیټې فوق العاده غونډه او پر غزې د بریدونو او د تورکیې لخوا د کړکیچ د حل په خاطر د ترسره شوو ګامونو ارزونه وکړه.
"زه په جده کې د اسلامي همکاریو د سازمان د اجرایوي کمیټې د فوق العاده غونډې ستاینه کوم، ځکه چې دا د اسرائیلو د زیاتیدونکي ظلمونو په وړاندې د اسلامي نړۍ هوډ، د فلسطین له خلکو سره د پیوستون او د فلسطین له مسئلې څخه د ملاتړ څرګندونه کوي. " اردوغان ټینګار وکړ چې دوی له لومړۍ ورځې راهیسې د هغه کړکېچ د حل لپاره چې د اکتوبر په اوومه پیل شوی او ټولې سیمې ته د خپرېدو خطر لري، جدي هڅې کړې دي.
اردوغان په دې خبرې سره چې ترکیه د غزې له مظلومو خلکو سره چې له ۱۷ کلونو راهیسې تر محاصرې لاندې ژوند کوي مرستې ته دوام ورکوي.
" د سولې د تامین لپاره زموږ هڅې سیمې ته د الوتکو وړونکو بیړیو لیږلو، د فلسطین خلکو ته د مرستو بندولو او د غزې د خلکو د عمده مجازاتو په څیر ګامونو سره د خنډ سره مخامخ شوي دي.
همداشان د ملګرو ملتونو امنیت شورا په بشپړه توګه خپلې اغیزې د لاسه ورکړي او یو ځل بیا د خپل مسؤلیت په ادا کولو کې پاتې راغلې ده. لویدیځ هیوادونه چې د بشري حقونو او آزادیو په باره کې تل د ټولو نه ډیر لوړې لوړې خبرې کوي د اور په لمبو د تیلو د شیندولو نه پرته بل ګام نه دی اخیستی. د نړیوالو رسنیو ارګانونه په خپلو متعصبو او منافقانه خپرونو سره دې قتل عام او ظلمونو ته د مشروعیت ورکولو په برخه کې د یو بل سره سیالي کوي.
ولسمشر اردوغان دې ته په اشارې سره چې د «محفوظ زونونو» په نامه سیمو ته د مهاجرو او بې ګناه خلکو د تلو پر مهال پر هغوې بمباري، سرحدي دروازې، جوماتونه، ښوونځي او ملکي استوګنځایونه په تیرو ۱۲ ورځو کې د جنګي جنایتونو شاهدان دي. هغه وویل چې په الاهلي المعمداني روغتون باندې دا وحشیانه برید د قتل عام سره هیڅ کوم توپیر نلري. اسرائیلو ددې برید سره په اصل کې قتل عام یو بل اړ ته رسولی .
اردوغان ټینګار وکړ چې د دغه برید عاملین چې د بشریت ضد جنایت او د غزې د خلکو په وړاندې د نسل وژنې په معنا دی، غندي او هغه کسان چې د اکټوبر له اوومې راهیسې یې په څرګندونو سره اور ته تېل اچولي، د دې قتل عام مسوول دي.
"د تورکیې په توګه، موږ به لومړی د بشردوستانه اوربند او بیا د دایمي ثبات د رامنځته کولو لپاره کار ته دوام ورکړو."
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718972289)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718972289)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله