اردوغان :د تورکیې په توګه، موږ د بندیانو د تبادلې په ګډون هر ډول منځګړیتوب ته چمتو یو.
اردوغان : "زه غواړم ووایم چې د تورکیې په توګه، موږ د بندیانو د تبادلې په ګډون هر ډول منځګړیتوب ته چمتو یو، که چیرې اړخونه یې غوښتنه وکړي."
د تورکیې ولسمشر رجب طیب اردوغان په منځني ختیځ کې د روان کړکیچ په اړه څرګندونې وکړې.
"زه غواړم ووایم چې د تورکیې په توګه، موږ د بندیانو د تبادلې په ګډون هر ډول منځګړیتوب ته چمتو یو، که چیرې اړخونه یې غوښتنه وکړي."
ولسمشر اردوغان تیره ورځ په پلازمینه انقره کې د کابینې له غونډې وروسته د کورنیو او بهرنیو پرمختګونو او وروستیو پيښو په اړه ارزونې وکړې.
اردوغان خبرداری ورکړ " د ۱۹۶۷ کال کې پولو او جغرافيايي بشپړتیا سره د یو خپلواکه فلسطیني دولت چې بیت المقدس یې پلازمینه وي د جوړیدو پرته په سیمه کې سوله او ټیکاو ناشونی دی."
"موږ تل ویلي او وایو چې موږ د اسرائیلو او فلسطین په خاوره کې د یو بې ګناه انسان وینه تویولو ته اجازه نه ورکوو. "موږ نن په همدې خبرې ټینګار کوو او د بې ګناه او ملکي وګړو له وژنې سره سخت مخالفت کوو."
ولسمشر دغه راز ښکېلو غاړو ته یادونه وکړه چې " جګړه هم آداب او اخلاق لري" .
" د هوايي او ځمکنیو بریدونو له امله د غزې ویجاړول ، د جوماتونو بمبارول او د بې ګناه ماشومانو، ښځو، بوډاګانو او ملکي وګړو وژل هېڅکله د منلو وړ نه دي. عادلانه سوله هیڅ زیان نلري. زه غواړم ووایم چې د تورکیې په توګه، موږ د بندیانو د تبادلې په ګډون هر ډول منځګړیتوب ته چمتو یو، که اړخونه یې غوښتنه وکړي. موږ له اسرائیلو څخه غواړو چې د فلسطین په ځمکو باندې خپلې بمبارۍ بندې کړي او د فلسطینیانو د ځورونې مخه ونیسي چې په اسرائیلو کې د ملکي میشت ځایونو ځورول ودرول شي. هغه وویل، «مونږ د بشري مرستو د موادو د رسولو لپاره چې د غزې خلک ورته اړتیا لري، لازم چمتووالی هم لرو.»
د حماس پوځي څانګې، د قسام لوا د شنبې په ورځ اعلان وکړ چې د "اقصی سیلاب" په نوم یې پر اسرائیلو پراخ برید کړی دی. په داسې حال کې چې له غزې څخه د اسرائیلو پر لور زرګونه توغندي توغول شوي، وسله والې ډلې په سیمه کې میشت ځایونو ته ننوتلي دي.
د اسرائیلو پوځ هم اعلان کړی چې د جنګي الوتکو په مرسته یې د غزې تړانګې پر ضد د اوسپنې تورو عملیات پیل کړي دي.
د دواړو غاړو تر منځ په زیاتېدونکي کړکېچ کې سلګونه کسانو ته مرګ ژوبله اوښتې ده.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله