تورکیې په سوریه کې د ترهګریزو سازمانونو پر خلاف پراخه عملیات ترسره کړل
د تورکیې د ملي استخباراتو سازمان (MİT) لخوا په سوریه کې په ترسره شویو عملیاتو کې، د PKK/YPG بېلتون غوښتونکي ترهګریز سازمان اړوند د وسلو او مهماتو ډیپوګان او د تجمع مرکزونه په نښه شول.
د تورکیې د ملي استخباراتو سازمان (MİT) لخوا په سوریه کې په ترسره شویو عملیاتو کې، د PKK/YPG بېلتون غوښتونکي ترهګریز سازمان اړوند د وسلو او مهماتو ډیپوګان او د تجمع مرکزونه په نښه شول.
د امنیتي سرچینو څخه د ترلاسه شویو معلوماتو له مخې، د تورکیې ملي استخباراتو سازمان وروسته له هغه چې دا معلومه کړه چې د تیرې یکشنبې پر ورځ په پلازمینه انقره کې د کورنیو چارو په وزارت برید په سوریه کې طرحه او پلان شوی او ترهګر د سوریې د شمال نه د برید په موخه تورکیې ته رالیږل شوي وو ، پدې هیواد کې د پي کاکا ترهګریز سازمان پر تاسیساتو او مشرانو پر خلاف پراخه عملیات پيل کړل.
په سیمه کې د ترسره شویو استخباراتي فعالیتونو په پایله کې، د PKK/YPG تروریستي سازمان پورې اړوند د وسلو او مهماتو ډیپوګان ، د تجمع مرکزونه او هغه ودانۍ چې د ترهګر پکې میشت او پټ ول تثبت او د ډرون الوتکو لخوا په نښه له منځه یوړل شول.
د عملیاتو په جریان کې ګڼ شمیر هدفونه د ځیرکو توغندونو او مهماتو پر مټ له منځه وړل شوي دي.
په همدې حال کې د تورکیې ملي دفاع وزارت له خوا په خپره شوې خبرپاڼه کې ویل شوي چې د تورکیې وسله وال پوځ د خپل ځان نه د مشروع دفاع په چوکاټ کې د ملګروملتونو سازمان د منشور د ۵۱ مې مادې په مطابق د سوریې په شمال کې د تل رفعت، جیزرې او دیریک په سیمو کې د PKK/YPG او نورو ترهګرو عناصرو د لمنځه وړو په موخه د اکتوبر په پنځمه نيټه د شپې په ۱۱ بجو د ترهګرو پر اهدافو هوايي بریدونه کړي دي. په بیان کې لاندې یادونه شوې ،
پدې هوایي عملیاتو کې، د تیلو د څاګانو او د ذخیره کولو تاسیساتو په شمول ۳۰ هدفونه چې د بیلتون غوښتونکي ترهګریز سازمان لخوا کارول کیږي، او همدارنګه یو زیات شمیر څمڅې، پټنځایونه ، د تجمع مرکزونه، د اورسیدو ځایونه او د وسلو او مهماتو ډیپوګان په نښه شوي دي. په ترسره شوو عملیاتو کې تر ډیر حده له کورنیو او ملي مهماتو څخه استفاده شوې ده . ددې عملیاتو په نتیجه کې ترهګرو ته ستر ګوزار ورکړ شوی دی او ګنشمیر له منځه وړل شوي دي.
د تركيې وسله وال ځواكونه د تېر په څېر به د خپل هېواد او ملت د بقا او امنيت لپاره په ټينګ عزم او هوډ سره د تروريزم پر وړاندې مبارزې ته دوام وركوي. د وروستي ترهګر د لمنځه وړو پورې به دا مبارزې په همدې شان دوام ومومي.
"د دې عملیاتو په ترڅ کې د ملکي او بې ګناه وګړو ، دوست او متحد ځواکونو ، کولتوري او تاریخي شتمنیو او چاپیریال ته د زیان نه رسولو په خاطر هر ډول تدابیر نیول شوي وو
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله