د تورکیې او امریکا دفاع وزیرانو ټيلیفوني خبرې وکړې
په داسې حال کې چې تورکیه د عراق او سوریې په شمال کې د بېلتون غوښتونکې ترهګرې ډلې PKK/YPG پر وړاندې هوايي عملیاتو ته دوام ورکوي، د تورکیې او امریکايي چارواکو ترمنځ دوه مهمې ټیلیفوني خبرې شوي دي.
په داسې حال کې چې تورکیه د عراق او سوریې په شمال کې د بېلتون غوښتونکې ترهګرې ډلې PKK/YPG پر وړاندې هوايي عملیاتو ته دوام ورکوي، د تورکیې او امریکايي چارواکو ترمنځ دوه مهمې ټیلیفوني خبرې شوي دي.
د تورکیې د ملي دفاع وزیر یاشر ګولر د امریکا د دفاع له وزیر لویډ جیمز آسټین سره ټيلیفوني خبرې وکړې.
د ملي دفاع وزارت له خوا په خپره شوې خبرپاڼه کې راغلي، چې په دی ټیلیفوني تماس کې د سوریې پر وروستیو پرمختګونو خبرې وشوې.
د تورکیې د ملي دفاع وزیر یاشر ګولر وویل چې تورکیه د داعش ترهګرې ډلې پر وړاندې د امریکا سره ګډې مبارزې ته چمتو ده.
دواړو وزیرانو په سیمه کې په ترسره شویو فعالیتونو کې د امریکا او تورکیې د عناصرو د نږدې همغږۍ پر اهمیت ټینګار وکړ.
د امریکا د دفاع وزیر لویډ جیمز آسټن هم د نوموړو ټیلیفوني خبرو په اړه څرګندونې وکړې.
آسټن د داعش پر وړاندې پر مبارزې ټینګار وکړ:
هغه وویل، ما په سیمه کې د امنیت او ثبات د تامین لپاره له تورکیې سره د کار کولو هوډ یو ځل بیا تکرار کړ.
د تورکيې او امريکا د لويو درستيزانو ترمنځ ټیلیفوني خبرې شوي دي.
د تورکیې د پوځ لوی درستیز جنرال متین ګورک د امریکا له لوی درستیز جنرال چارلس براون سره په ټیلیفون خبرې وکړې.
په خبرپاڼه کې ویل شوي، چې په دې ټیلیفوني خبرو کې پر اوسنیو پرمختګونو خبرې وشوې.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله