په تورکیه د ټولټاکنو د طرزالعمل او اصولو په اړه پریکړه په رسمي جریده کې خپره شوه

په تورکیه کې د ولسمشرۍ  او د ۲۸مې دورې پارلماني ټاکنو د کاندیدانو د نوم لیکنې د طرزالعمل او اصولو په اړه د ټولټاکنو د خپلواک کمیسیون  پریکړه په رسمي جریده کې خپره شوې ده.

د دې پرېکړې له مخې چې د رسمي جریدې په ننۍ ګڼه کې خپره شوې، د ولسمشرۍ لپاره نوماند باید ۴۰ کاله عمر او لوړې زده کړې بشپړې کړي وي. همداشان د پارلمان د غړیتوب نوماند  باید د پارلمان د غړي په توګه د ټاکل کیدو وړ وي.

د ولسمشر د کار موده به پنځه کاله وي. یو شخص په اعظمي توګه دوه  ځله  د ولسمشر په توګه  ټاکل کیدای شي. هغه سیاسي ګوندونه چې په تیرو ټولټاکنو  کې  یې یوازې یا په ګډه د ټولو معتبرو رایو لږ تر لږه پنځه فیصده رایې ترلاسه کړي وي او یا لږ تر لږه سل زره رایې  ولري  د ولسمشرۍ لپاره نوماندان  معرفي کولای شي.

د پارلمان وکیل د ولسمشر په توګه ټاکل کیدو په صورت کې د پارلمان غړیتوب يي پایته رسیږي. که چیرې هغه په ​​​​لومړیو رایو کې مطلق اکثریت ترلاسه نکړي، د دوو کاندیدانو ترمنځ به ټاکنې ترسره شي چې ډیرې رایې یې ترلاسه کړې. که چیرې د ټولټاکنو په لومړني پړاو کې د نوماندانو نه هیڅ یو ټاکل شوی اکثریت ترلاسه نکړي ، تر ټولو زیاتو رای ګټوونکو دوو تنو نوماندانو ترمنځه به دویم ځل لپاره ټاکنې وشي. د ټاکنو دویم پړاو به د دویمې   یکشنبې په ورځ ترسره شي. که چیرې د ټولټاکنو په دویم پړاو کې  مستحق نوماندانو څخه یو یې د کوم دلیل له مخې په ټاکنو کې برخه وانخلي، په لومړني پړاو کې د خپل وار سره تر ټولو زیاتې رای ترلاسه کوونکی بل نوماند به  د هغه پر ځای وټاکل شي. که  چیرې په دويمه پړاو کې  يوازې يو نوماند پاتې شي، دغه ټاکنې د ټولپوښتنې په بڼه ترسره کېږي. که چیرې نوماند د معتبرو رایو مطلق اکثریت ترلاسه کړي، ولسمشر به وټاکل شي. که چیرې کاندید د معتبرو رایو مطلق اکثریت ترلاسه نکړي، د ولسمشرۍ ټاکنې نوې کیږي. د نوو ټاکنو د ترسره کیدو پورې به  موجود ولسمشر تر هغه وخته پورې په خپله دنده  کې پاتې شي، چې نوی څوک وټاکل شي او واک ته ورسېږي. د تورکیې د تابعیت لرونکی هر هغه وګړی  چې له ۴۰ کلنۍ پورته وي، لوړې زده کړې يې بشپړې کړي وي، لږ تر لږه د ۱۰۰ زرو رای ورکوونکو د لاسلیکونو سره کولی شي د ولسمشرۍ لپاره ځان نوماند کړي. همداشان هغه کس چې  د تورکيې د ملي شورا غړى وي او يا هم دغه وړتياوې ولري او د پارلمان د غړي په توګه د ټاکل کېدو وړ وي، لږ تر لږه د سلو زرو تنو په  کتبي غوښتنه د ولسمشرۍ لپاره نوماند کیدای شي . رای ورکوونکي  د خپل لاسلیک حق نه  د ټولټاکنو د خپلواک کمیسیون لخوا نوماندي د تصویب شوو نوماندانو ترمنځه یوازې یو تن نوماند لپاره  کارولی شي. هغه څوک چې غواړي د رایې ورکوونکو لخوا د ولسمشر لپاره نوماند شي باید  ۵۵۵ زره او ۹۸۰ تورکي لیرې د مالیې په خزانه کې  د امانت په توګه کیږي  او د رسید او عریضې سره د ټولټاکنو خپلواک کمیسیون ته  مراجعه وکړي. رایه ورکوونکي به وکولای شي چې د چهار شنبې په ورځ د سهار د اتو بجو  او د مارچ په ۲۷ د ماسخوتن د اتو بجو ترمنځ د ولسوالیو د ټاکنو په بورډونو کې لاسلیک ورکړي.