په تورکیه کې د پیړۍ تر ټولو د سترو زلزلو نه وروسته نړۍوالې ټولنې تورکیې ته د مرستو لاس اوږد کړی
د فبروري په شپږمه په تورکیه کې د دوو سترو زلزلو نه وروسته یو زیات شمیر هیوادونو تورکیې ته د مرستې لاس اوږد کړ او مرستو ته دوام ورکوي.
![په تورکیه کې د پیړۍ تر ټولو د سترو زلزلو نه وروسته نړۍوالې ټولنې تورکیې ته د مرستو لاس اوږد کړی](http://cdn.trt.net.tr/images/xlarge/rectangle/d8f8/db1c/2a4d/63e5e89c18ad8.jpg?time=1718961047)
د فبروري په شپږمه په تورکیه کې د دوو سترو زلزلو نه وروسته یو زیات شمیر هیوادونو تورکیې ته د مرستې لاس اوږد کړ او مرستو ته دوام ورکوي.
اذربایجان چې مخکې یې د لټون او ژغورنې ډلې استولې تر زرو زیاتې خیمې او ۴۰۰ برقي بخارۍ تورکیې ته رالیږلي دي.
په داسې حال کې چې متحده عربي اماراتو په تورکیه او سوریه کې د زلزله ځپلو لپاره ۲۲ الوتکې چې ۶۴۰ ټنه مرستندویه توکي پکې بار ول رالیږلي دي، د متحده عربي اماراتو د ولسمشر محمد بن زاید مور شیخه فاطمه بنت مبارک، د تورکیې او سوریې د زلزله ځپلو لپاره سره د ۱۳میلیونه او ۶۰۰ زرو ډالرو مرسته اعلان کړه.
اسپانیا په زلزله ځپلې سیمه کې یو ساحوي روغتون جوړ کړی دی، یونان تورکیې ته د بیړني اکمالاتو او روغتیایی توکو په ګډون د مرستو لیږلو بهیر ته دوام ورکوي.
د آلمان په کولون ښار کې راټول شوي ۱۲۰ ټنه مرستندویه مواد د ۶ لاریو کاروان سره د زلزلې ځپلو سیمو ته د رسولو په موخه حرکت کړی دی.
د بلجیم په پلازمینه بروکسل کې د تورکیې د اتباعو او اتحادیو لخوا راټول شوي مرستې لومړۍ کارګو الوتکه راورسیده.
پداسې حال کې چې د فلسطین لخوا لیږل شوي مرستندویه ډله تورکیې او سوریې ته ورسیده، ارجنټاین د لټون او ژغورنې ۲۸کسیزه ډله تورکیې ته واستوله او بیلاروس دویمه ډله تورکیې ته واستوله چې د لټون او ژغورنې په عملیاتو کې برخه واخلي.
قرغزستان اعلان وکړ چې له زلزلې وروسته به د هغو قرغزستاني ټیمونو شمېر زیات شي چې د لټون او ژغورنې چارې پرمخ وړي او یو ساحوي روغتون، خیمې او طبي توکي به ولېږدوي.
نړیوال بانک اعلان وکړ چې د تورکیې لپاره به ۱ میلیارد ۷۸۰ میلیونه ډالره او د امریکا اعلان وکړ چې د تورکیې او سوریې سره ۸۵ میلیونه ډالره اضافي مرسته وکړي
د آلمان د بایو ټیکنالوژۍ شرکت BioNTech په تورکیه او سوریه کې د بشردوستانه مرستو په برخه کې د مرستې لپاره ۱ میلیون یورو مرسته اعلان کړه او بوینګ شرکت بیا په تورکیه کې د پیړۍ د زلزلې ناورین وروسته د مرستې او ژغورنې هڅو د ملاتړ لپاره د تورکیې سرې میاشتې سره ۵۰۰ زره ډالر مرسته وکړه.
کویت هم له زلزله ځپلو سیمو سره د ۱۵ میلیونه ډالرو مرستې اعلان وکړ.
د پاکستان او مالدیف جمهوریت اړوند د ګاګواز خپلواکه ادارې په تورکیه کې د زلزلې ځپلو خلکو لپاره د مرستې کمپاین پیل شو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718961047)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718961047)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله