په تورکیه کې د زلزلې له امله د مړو شمیر ۵۴۳۴ تنو ته او د ټپیانو شمیره د ۳۱۷۷۷ تنو لوړه شوه.
په تورکیه کې پداسې حال کې چې د زلزلې د رامنخته کیدو نه ۴۴ ساعته تیریږي اوس هم د چپه شوو ودانیو لاندې کسان ژوندي ژغورل کیږي
![په تورکیه کې د زلزلې له امله د مړو شمیر ۵۴۳۴ تنو ته او د ټپیانو شمیره د ۳۱۷۷۷ تنو لوړه شوه.](http://cdn.trt.net.tr/images/xlarge/rectangle/ed5e/a1a3/7f08/63e2543b09b1c.jpg?time=1718866426)
په تورکیه کې د زلزلې له امله د مړو شمیر ۵۴۳۴ تنو ته او د ټپیانو شمیره د ۳۱۷۷۷ تنو لوړه شوه.
د تورکیې د ناورین او د بیړنیو حالاتو ادارې د ځاني تلفاتو د وروستیو ارقامو په اړه معلومات ورکړل. د ناورین او بیړنیو حالاتو ادارې ویلي چې د هیواد په لسو ولایتونو کې د ريښتر په کچه د ۷ عشاریه ۷ په لویوالي سره د رامنځته شوو دوو جلا جلا زلزلو نه وروسته د پلټنې او ژغورنې چارې دوام لري.
زلزله ځپو سیمو ته د مځکې او هوا له لارې مرستندویه ډلې رسیدلي او را روانې دي.
د ژغورنې او پلټنې عملیات د خپل ټول شدت سره دوام لري.
د ویلو ده چې پرون د غرمې په یو بجه او ۲۵ دقیقو په قهرمان ماراش ولایت کې یو ځل بیا د ۷ عشاریه ۶ په لویوالي سره زلزله رامنځته شوه.
دې زلزلې هم ځیني تخریبات رامنځته کړي دي.
د هیواد ولسمشر رجب طیب اردوغان نن وویل چې "اوس مهال زمونږ ۵۳۳۱۷ د لټون او ژغورنې پرسونل د کنډوالو په سیمه کې کار کوي. د هر ساعت په تیریدو سره دا شمیر د تورکیې او بهر څخه د نوو ټیمونو د راتلو سره لوړیږي."
"زمونږ ژاندارم ځواکونه د زرګونو تنو پرسونل او ۲۶ کارګو الوتکو او زمونږ د ساحل د امنیت ګارډ قوماندې د خپلو لویو او ګړندیو کښتیو سره د پیښې په سیمو کې په دنده ګمارل شوي او دنده اجراء کوي. نږدې ۱۰۰۰ امبولانسونه ، ۲۴۱ ملي روغتیايي د ژغورنې ټیمونه او ۲ امبولانس چورلکې او ۵ زره روغتیايي پرسونل سره سیمې ته لیږدول شوي دي.
ولسمشر اردوغان وویل چې ، مونږ ته تر اوسه له ۷۰ بېلابېلو هېوادونو او ۱۴ نړیوالو سازمانونو څخه د مرستو وړاندیزونه شوي دي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718866426)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718866426)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله