اردوغان  وویل چې په ۲۰۲۳ کال کې به ملت ته د دفاعي صنایعو په برخه کې نوي ښه زیری ورکړي.

ولسمشر رجب طیب اردوغان  وویل چې په ۲۰۲۳ کال کې به ملت ته د دفاعي صنایعو په برخه کې نوي ښه زیری ورکړي.

ولسمشر اردوغان دا څرګندونې  په ساکاریا ولایت کې  د نوي نسل طوفان اوبوس توپونو  د سپارلو په مراسمو کې  وکړې.

اردوغان وویل  چې نن د تورکیې وسله والو ځواکونو ته شپږ نوي نسل اوبوس توپونه  ورکړل شول چې په نږدې راتلونکي کې  به دغه شمیر ۱۴۰ ته لوړ کړي.

اردوغان ټینګار وکړ چې د نوي نسل اوبوس توپونو د هغو موډلونو په پرتله چې اوس مهال په زمونږ د وسله وال ځواکونو سره دي ډیرې ګټې لري.

اردوغان وویل چې دې نویو سیسټمونو او نوي نسل اوبوس توپونو سره به د هیواد د وسله والو ځواکونو طاقت لا پسې پیاوړی شي  او د دفاعي صنعت په برخه کې به د بهرنیو انحصار کم کړي. اردوغان وویل چې دوی په نورو ستراتیژیکو پروژو په ځانګړې توګه د التای ټانک په برخه کې لاسته راوړنې ته دوام ورکوي.

اردوغان ټینګار وکړ چې د تورکیې وسله والو بې پیلوټه الوتکوپه د خپلو ترلاسه کړو بریالیتوبونو سره د جګړې شکلونو ته تغیر ورکړی دی.

ولسمشر اردوغان وویل چې انشاالله  سږ کالې به په نړۍ کې لومړنۍ د تورکيې د په وسلو سمبال کښتیو انتقالوونکې د اناتولیا، جنګي کښتۍ فعالیت ته وسپارو.

"بیرقدار ټي بي ۳ به هم  خپله لومړنۍ الوتنه ترسره کړي، د ګوکبي عمومي هدف هلیکوپتر به د جندارام  لخوا کارول پیل شي. همداشان زمونږ تعرضي اټاک  هلیکوپتر به خپله لومړۍ الوتنه وکړي. موږ به ۲۰۲۳ کال ته دوام ورکړو چې موږ د نوي نسل د اوبوس ټوپونو  تحویلي مراسمو سره پیل کړ او د نوي ښه خبر سره چې موږ به خپل ملت ته د دفاع په ډګر کې ورکړو. هغه وویل.