د تورکیې د دفاعي صنایعو اجرايوي کمیټې د ۲۰۲۲ کال وروستۍ غونډه وکړه.

د تورکیې د دفاعي صنایعو اجرايوي کمیټې د ۲۰۲۲ کال وروستۍ غونډه وکړه.

 د دفاعي صنایعو د اجرایوي کمیټې په غونډه کې د تورکیې د هوايي دفاع د پیاوړتیا په خاطر د سیپر، حصار او سنګور سیستمونو د نوو عمومي تولیداتو په اړه پریکړې وشوې.

د دفاعي صنایعو د اجرایوي کمیټې غونډه پرون په پلازمینه انقره کې د ولسمشر رجب طیب اردوغان په مشرۍ د ولسمشرۍ په ماڼۍ کې جوړه شوه.

په دې غونډه کې د تورکیې د وسله والو ځواکونو  لخوا کاریدونکو  کورني او ملي سیسټمونو کې د نویو سیستمونو د اضافه کولو په اړه خبرې وشوې. د ۲۵ بېلابېلو پروژو په اړه تصمیمونه ونیول شول.

د هیواد د  هوایی دفاع پیاوړتیا لپاره  د سیپر، حصار او سنګور هوايي دفاعي  سیسټمونو د نوي ډله ایز تولید لپاره پریکړې وشوې. همداشان د  ټایفون، اتماجا، TRLG-230، قره قول، ګوک دوغان او بوزدوغان  توغندیو سربیره، د اکیا تورپیډو او مختلف پلیټ فارمونو لپاره د مختلف مهماتو د ډله ایز تولید په اړه پریکړې وشوې.

سربیره پردې ، پریکړه وشوه چې د ملګیم (ملي کښتۍ) پروژې په چوکاټ آی کلاس متوسطې پرمختللې جنګي بیړۍ ( فریګیټ ) کښتۍ هم جوړې شي.

په غونډه کې د تورکیې د لومړنۍ بې پيلوټه جیټ الوتکې قزل ایلما  د وروستي وضعیت، په اړه چې خپله لومړنۍ الوتنه  په بریالیتوب سره ترسره کړه  وارزول شو. د ویلو ده چې دا بې پيلوټه جیټ الوتکه  په هوا کې د ۵ ساعتونو لپاره د پاتې کیدو او ظرفیت لري. همداشان دې بې پیلوټه الوتکو ته د نوي ظرفیتونو د ترلاسه کولو مسلې تر بحث لاندې ونیول شوې.

د ساحو لپاره مختلفې پروژې لکه د F-16 جنګي الوتکو په عصري کولو کې د نویو اضافه کول، د نوي بریښنایی محاربې او رادار سیسټمونه، مختلف هوایی، ځمکنی او سمندری پلیټ فارمونو، د ارتباطاتو او معلوماتو سیسټمونه، تجهیزات، سمیلیشن، لوژستیک او سایبر امنیت په اړه د یو زیات شمیر مسئلو په اړه لازم تصامیم ونیول شول.