د تورکیې ، روسیې او سوریې د ولسمشرانو د لیدنې په اړه د ولسمشر اردوغان مهمې څرګندونې
د تورکیې ولسمشر رجب طیب اردوغان ویلي دي چې کیدای شي د تورکیې، روسیې او سوریې د مشرانو په کچه غونډه وشي.
![د تورکیې ، روسیې او سوریې د ولسمشرانو د لیدنې په اړه د ولسمشر اردوغان مهمې څرګندونې](http://cdn.trt.net.tr/images/xlarge/rectangle/dcb6/30c8/17ea/639aff43dc4f1.jpg?time=1719098919)
د تورکیې ولسمشر رجب طیب اردوغان ویلي دي چې کیدای شي د تورکیې، روسیې او سوریې د مشرانو په کچه غونډه وشي.
اردوغان ترکمنستان ته له خپل سفر څخه د راستنېدو پر مهال د خبریالانو پوښتنې ځواب کړې.
ولسمشر اردوغان ددې خبرې په ټینګار سره وویل چې "مونږ غواړو د تورکیه - روسیه - سوریه په درې اړخیزه په توګه ګام پورته کړو." ولسمشر اردوغان وویل چې د مشرانو په کچه به یوه غونډه وشي . ددې غونډې په اړه به د روسیې له ولسمشر ولادیمیر پوتین سره خبرې کړې دي.
اردوغان څرګنده كړه چې د سوريې په اړه د دوى د ګامونو موخه د تورکیې ملي ګټې وي.
اردوغان له سوریې څخه تورکیې ته د ترهګرو ګواښ ته په اشارې سره وویل چې امریکا ترهګریز سازمانونه د تیلو د څاګانو له لارې تمویل کوي او له ترهګرو ډلو ملاتړ کوي . هغه پر امریکا سخته نیوکه وکړه او زیاته کړه چې
"مونږ تر دې دمه تل صبر کاوه، خو اوس د صبر کاسه ډکه شوې ده."
"مونږ په ځانګړې توګه په سر کې امریکا لویديځې نړۍ ته وایو ، که تاسو دغو تروریستي سازمانونو ته په زرګونو لارۍ وسلې، مهمات او تجهیزات ورکوۍ، مونږ مجبور یو چې خپله ستونزه پخپله حل کړو."
اردوغان همداراز د کودتا د ترسره کوونکو پر وړاندې د آلمان د اقداماتو ارزونه وکړه او د فتح الله تروریستي سازمان پر وړاندې یې د مبارزې نه یادونه وکړه.
هغه وویل "په اوس وخت کې، په اروپا کې د تروریستي سازمانونو تر ټولو مهم پناه ځای آلمان دی. دا مهال دا PKK/YPG/PYD چیرته دي؟ هلته. FETO چیرته دی؟ دا هلته دي. مونږ ددې کسانو غوښتنه کوو خو دوې د هغوې استرداد نه غواړي."
ولسمشر اردوغان د تورکیې له لارې اروپا ته د ترکمنستان د ګازو د انتقال په اړه وویل:
"د تورکیې، اذربایجان او ترکمنستان د انرژۍ وزیران به په چټکۍ سره لیدنه وکړي او د دې مسلې په اړه به په جزئیاتو خبرې وکړي."
ولسمشر همداراز د روسیې پر ضد د بندیزونو په اړه د اروپایي اتحادیې د بهرنیو اړیکو د عالي استازي جوزف بوریل انتقاد هم «د یو زشت عمل په توګه » یادونه وکړه.
بوریل نه شي کولای له روسیې سره خپلې اړیکې وټاکي او نه یې تنظیم کړي. هغه نه کیفیت لري او نه هم د دې مسلو په اړه د داسې پریکړې کولو وړتیا لري.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719098919)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719098919)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله