د تورکیې ولسمشر رجب طیب اردوغان د روسیې د ولسمشر ولادیمیر پوتین سره لیدنه وکړه.

د تورکیې ولسمشر رجب طیب اردوغان د روسیې د ولسمشر ولادیمیر پوتین سره لیدنه وکړه.

ولسمشر اردوغان د قزاقستان په پلازمینه استانه کې د اسیا د همکاریو او باور جوړونې د تدابیرو د کنفرانس د شپږمې سرمشریزې په څنډه کې د روسیې د ولسمشر ولادیمیر پوتین سره لیدنه وکړه.

د ویلو ده چې د روسیې لخوا د اوکراین د دونیتڅک ، لوهانسک ، زاپورزیا او خرسون سیمې د خپلې خاورې سره د یو ځای کولو نه وروسته ولسمشر اردوغان د پوتین سره لومړنۍ مخامخ لیدنه وکړه.

ولسمشر رجب طیب اردوغان په اسیا کې د همکارۍ او باور جوړونې د اقداماتو د شپږمې غونډې په څنډه کې چې د قزاقستان په پلازمېنه استانه کې جوړه شوې ده  د روسیې له ولسمشر ولادیمیر پوتین سره وکتل.

دا لیدنه د  خپلواکۍ په ماڼۍ کې د رسنیو نه د بندو  دروازو تر شا ترسره شوه.دواړو مشرانو د لیدنې نه مخکې رسنیو ته لنډې څرګندونې وکړې.

ولسمشر اردوغان په خپله وینا کې وویل:

"د راتلونکي کال په لومړۍ نیمایي کې د تورکیې د اق قویو د لومړي توربین پرانیستل به په نړۍ کې ډیر زیات انعکاس وکړي. او که چیرې که د سینوپ  د اټومي بټۍ په اړه یو ګام پورته شي، یقینا دا به ډیر توپیر ولري."

ولسمشر اردوغان د غلې دهلیز په اړه هم لاندې یادونه وکړه:

"موږ هوډ لرو چې د استانبول تړون په پیاوړي کولو سره دوام ورکړو او د روسیې غلې دانې او سرې د تورکیې له لارې وروسته پاتو هیوادونو ته ولیږدوو. هغه ګامونه چې تورکیه او روسیه به په دې پروسه کې اوچت کړي کیدای شي چې  ځینې کړۍ ناراحته کړي  خو  د لږ پرمختللي هیوادونو به خوشحاله کړي."

له بلې خوا د روسیې ولسمشر پوتین ویلي چې تورکیه د اروپايي ټولنې لپاره د ګازو د رسولو په برخه کې تر ټولو خوندي لاره ګرځېدلې ده.

هغه وویل، «مونږ اراده کړې چې تورکیه په نړۍ کې د ګازو تر ټولو لوی مرکز جوړ کړو.

"تورکیه اروپايي اتحادیې ته د ګازو رسولو ترټولو معتبره لاره ثابته شوې ده. له روسیې څخه تورکیې ته د هایدروکاربن اکمالات په بشپړ ډول خوندي دي."

د روسیې ولسمشر پوتین د غلې دانې د دهلیز د فعالیتونو په اړه وویل چې ،

"د غلې یوه کوچنۍ برخه لا هم بې وزله هیوادونو ته ځي. هغه هیوادونه چې د استانبول د تړون له مخې د اوکراین غله اخلي باید د اردوغان څخه مننه وکړي."