چاووش اوغلو : داسې احتمال شتون لري چې د روسیې او اوکراین د جګپوړو ترمنځه مذاکرات وشي
د ترکیې د بهرنیو چارو وزیر مولود چاووش اوغلو وویل چې روسیه او اوکراین کیدای شي چې لا د لوړپوړو په کچه مذاکرات پيل کړي.
![چاووش اوغلو : داسې احتمال شتون لري چې د روسیې او اوکراین د جګپوړو ترمنځه مذاکرات وشي](http://cdn.trt.net.tr/images/xlarge/rectangle/ea3c/9c6c/71e3/624561e1db22c.jpg?time=1719057287)
د ترکیې د بهرنیو چارو وزیر مولود چاووش اوغلو وویل چې روسیه او اوکراین کیدای شي چې لا د لوړپوړو په کچه مذاکرات پيل کړي.
چاووش اوغلو د خصوصي تلویزیوني کانال سره په مرکه کې د مهمې مسئلې په اړه پوښتنې ځواب کړې.
هغه وویل چې ترکیه د روسیې او اوکراین ترمنځه د تل پاتي اوربند رامنځته کولو په خاطر د خپل وس او توانه پورې هڅه کوي.
چاووش اوغلو وویل چې د روسیې او اوکراین ترمنځه په استانبول کې د روانو مذاکراتو په دوام کې کیدای شي چې د بهرنیو چارو وزیرانو په کچه مذاکرات ترسره شي.
دا مذاکرات کیدای شي چې د یوې یا دوه اونیو په دننه کې ترسره شي. که چیرې سره په تفاهم ورسیږي بیا به د ولسمشرانو په کچه لیدنه وشي.
همداشان چاووش اوغلو د هغه ادعاءګانو په ځواب کې چې ګواکې ترکیه د اوکراین د ضمانت کوونکي هیواد په توګه د ټاکل کیدو سره به ترکیه اوکراین ته پوځیان ولیږي ، دا ډول ادعاګانې هیڅ حقیقت نلري. په کامله توګه بې بڼسته دي
همداشان هغه وویل چې د روسیې لخوا د فبروري په ۲۴ مه نیټه پر اوکراین د یرغل نه وروسته روسیې ترکیې ته د ګازو صادرات د ۵۰ سلنې نه ۴۰ سلنې ته راټیټ کړل. چاووش اوغلو وویل چې دا یوه نړۍواله مسئله ده. ټوله نړۍ د ګازو د تدارکاتو په لټه کې ده . ترکیه د روسیې نه د ګازو د تدارکاتو په برخه کې هیڅډول ستونزې سره مخامخ ندی.
چاووش اوغلو د ترکیې لخوا پر روسیې د بندیزونو د نه لګولو په اړه د پوښتنې په ځواب کې وویل ، یو څوک کې منځګړتوب کوي هغه څه ډول کولی شي چې پدې بندیزونو کې ګډون وکړي. ځیني هیوادونه پدې اړه زمونږ نه خفه هم دي.
چاووش اوغلو د ترکیې او اسرائیل په اړه د اړیکو د نورمالولو په اړه د روان بهیر په اړه د پوښتنې په ځواب کې وویل چې د مې د میاشتې په نیمايي کې داځل د اسرائیل لومړی وزیر نفتالي بنیت ترکیې ته راځي.
هغه وویل چې د مدیترانې ګاز د ترکیې د نللیکو سره وصلول او اروپا ته صادراتو ډیر مهم دي. خو په لنډه موده کې دا پلان عملي کول ګرانه خبره ده.
هغه د اروپايي ټولنې سره د اړیکو په اړه وویل چې ترکیه په سیمه او نړۍ کې د سولې لپاره یو ډیر مهم او کلیدي هیواد دی. ترکیه د اروپايي ټولنې د امنیت سره تر ټولو زیات مرسته کوي. له بده مرغه کله چې د اروپا اړتیا وي ترکیې ته ډیر ځان رانږدې کوي خو وروسته بیرته واټن نیسي او ځان لرې کوي. دا ځانته اروپا نه بلکې نور هیوادونه يي هم کوي.
هغه د سعودي عربستان سره د اړیکو په اړه وویل چې ډیر مهم پرمختګونه شوي او پدې برخه کې مهم ګامونه اوچت شوي دي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719057288)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719057288)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله