د ترکیې د بهرنیو چارو وزیر مولود چاووش اوغلو روسیې او اوکراین ته سفر کوي.
ترکیه د روسیې او اوکراین ترمنځه د روانې جګړې د ختمولو په خاطر هلو ځلو ته دوام ورکوي
![د ترکیې د بهرنیو چارو وزیر مولود چاووش اوغلو روسیې او اوکراین ته سفر کوي.](http://cdn.trt.net.tr/images/xlarge/rectangle/a66d/8c0f/cee6/6230373291e09.jpg?time=1718986829)
د ترکیې د بهرنیو چارو وزیر مولود چاووش اوغلو روسیې او اوکراین ته سفر کوي.
ترکیه د روسیې او اوکراین ترمنځه د اوربند د رامنځته کولو په خاطر هلو ځلو ته دوام ورکوي.
مولود چاووش اوغلو به لومړی روسیې ته وروسته اوکراین ته سفر وکړي.
دا خبره د ترکیې ولسمشر رجب طیب اردوغان وکړه.
ولسمشر اردوغان نن د کابینې د غونډې نه وروسته وویل چې ترکیه د روسیې او اوکراین ترمنځه د هر څه ژر اوربند په خاطر هلو ځلو ته دوام ورکوي.
په همدې چوکاټ کې د ترکیې د بهرنیو چارو وزیر سبا چارشنبه د مارچ ۱۶ مه نیټه مسکو او په ۱۷ مه نيټه بیا اوکراین ته سفر کوي.
لومړی به د روسي مقاماتو سره او وروسته به د اوکراین د مقاماتو سره لیدنه وکړي.
د ویلو ده چې ترکیې د بهرنیو چارو وزیر چاووش اوغلو پرون دوشنبه د روسیې او اوکراین د بهرنیو چارو وزیرانو سره ټیلیفوني خبرې کړې وې.
ولسمشر اردوغان وویل چې په نړۍ کې د ترکیې د قوت جاذبه د هرې ورځې په تیریدو سره مخ په ډیریدو ده او د انتالیا د ډیپلوماسۍ فورم ددې خبرې ژوندی مثال دی.
د انتالیا د ډیپلوماسۍ په فورم کې د نړۍ د ۱۷ هیوادونو ولسمشرانو او لومړي وزیرانو په ګډون د ۷۵ هیوادونو وزیرانو ګډون کړی وو.
د انتالیا د ډیپلوماسۍ فورم تر ټولو ښه لاسته راوړنه د روسیې او اوکراین د بهرنیو چارو وزیرانو مخامخ لیدنه وه.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718986829)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718986829)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله