ولسمشر اردوغان په استانبول کې د یونان د لومړي‌‌ وزیر سره ولیدل

د ترکیې ولسمشر رجب طیب اردوغان د یونان د لومړي‌ وزیر کیراکوس میچوتاکیس سره چې د رسمي‌ سفر په ترڅ‌ کې ترکیې ته راغلی دی لیدنه وکړه.

ولسمشر اردوغان نن غرمه د غرمې د ډوډۍ پر مهال د یونان لومړي‌‌ وزیر میچوتاکیس سره لیدنه وکړه.

دا لیدنه د مطبوعاتو نه د بندو دروازو تر شا ترسره شوه.

د ترکیې د ولسمشرۍ ماڼۍ د عامه اړیکو ریاست د بیان په خپرولو سره ویلي دي‌ چې ولسمشر اردوغان د یونان د لومړي‌ وزیر میچوتاکیس سره د استانبول د واحدالدین په ماڼۍ کې لیدنه وکړه. په لیدنه کې متقابلو اړیکو سربیره د وروستیو جیوپولتیک مسئلو او روسیې او اوکراین د جګړې پر منفي‌ اغیزو، سیمې او نړۍ په وروستیو پرمختګونو او مسئلو خبرې او تبادل د نظر وکړل.

د ویلو ده چې د یونان لومړي‌‌ وزیر میچوتاکیس د ولسمشر اردوغان سره د لیدنې نه مخکې په استانبول کې د فنر روم   ایا یورګي‌ په کلیسا کې جوړولو د اورتادوکس مسیحیانو د اختر په دیني‌ مراسمو کې ګډون کړی وو.