ترکیې بهرنیو چارو وزیر : ترکیې په روسیې کوم بندیز ندی لګولی او د بندیز لګولو پلان هم نلري
ترکیې پر روسیې تر اوسه پورې هیڅډول کوم بندیز ندی لګولی او پدې هیواد لګیدلي ټول بندیزونه يي د غور لاندې نیولي دي.
![ترکیې بهرنیو چارو وزیر : ترکیې په روسیې کوم بندیز ندی لګولی او د بندیز لګولو پلان هم نلري](http://cdn.trt.net.tr/images/xlarge/rectangle/c0cd/b822/6830/61daadd6cc226.jpg?time=1718968794)
ترکیې پر روسیې تر اوسه پورې هیڅډول کوم بندیز ندی لګولی او پدې هیواد لګیدلي ټول بندیزونه يي د غور لاندې نیولي دي.
دا خبره د ترکیې د بهرنیو چارو وزیر مولود چاووش اوغلو وکړه. هغه د یو خصوصي تلویزیوني کانال سره په مرکه کې د روسیې لخوا پر اوکراین د یرغل له امله د لګیدولو بندیزونو او ایا پدې بندیزونو کې ترکیه هم ګډون کوي ؟ په اړه پوښتنې ځواب کړې.
هغه وویل " مونږ په عمومي توګه د اصولو له مخې دې دول بندیزونو کې کله برخه نده اخیستې. د همدې امله په روسیې په لګیدولو بندیزونو کې د ګډون لپاره هم لیواله نه یو."
هغه وویل چې پر روسیې په لګیدولو بندیزونو کې د ګډون په خاطر ترکیې ته نه کوم وړاندیز شوی او نه هم کوم فشار شتون لري.
مخکې ددینه چې پدې اړه کوم ګام اوچت کړو او يي د اغیزو په اړه په هر اړخیزه توګه ارزونې کوو. چې ایا زمونږ پر اقتصاد به څه ډول اغیزې وکړي، د انرژۍ د عرض په مسئلې به څه ډول اغیزې وکړي او داسې نور. مونږ په عمومي توګه د اصولو له مخې پدې دول بندیزونو کې کله برخه نده اخیستې. د همدې امله په روسیې په لګیدولو بندیزونو کې د ګډون لپاره لیواله هم نه یو."
د بله پلوه د ترکیې د ولسمشرۍ ماڼۍ ویاند ابراهیم قالن هم پدې اړه مهمې څرګندونې وکړې.
هغه وویل چې ترکیه په روسیې د بندیزونو لګولو پلان نلري.
ددې خبرې لامل دادی چې د روسیې سره خبرو کولو په خاطر یو اکټور لازم دی. که چیرې هر هیواد د روسیې سره اړیکې پرې کړي پس دې هیواد سره به څوک خبرې وکړي؟ ترکیه ددې هیواد سره د خبرو اترو او مذاکراتو د کانال د پرانیسته پاتې کیدو په خاطر په روسیې د بندیز لګولو پلان نلري.
قالن د یو خصوصي تلویزیون سره په مرکه کې د مهمو مسئلو په اړه پوښتنې ځواب کړې. هغه وویل زمونږ هیله لرو چې د روسیې او اوکراین ترمنځه د سولې د مذاکراتو نه یوه لاسته راوړنه وشي. لږ تر لږه په اوربند سره سلا شي.
هغه د اوربند په اړه د روسیې د شرطونو نه د ناممکنه شرطونو په توګه یادونه وکړه.
د بیلګې په توګه د اوکراین خاوره کریمیا چې د روسیې لخوا د نیول کیدو نه وروسته د خپلې خاورې سره یو ځای کړې ده د اوکراین لخوا په رسمیت پیژندل او یا د اوکراین خلع سلاح کول. دا هغه غوښتنې او شرطونه دي چې زمونږ لپاره د منلو وړ ندي اوکراین خو په خپل ځای پریږده.
پدې مذاکراتو کې زمونږ د ټولو د تمرکز نقطه اوربند دی. د یو انساني دهلیز رامنځته کول دي.
هغه وویل چې ترکیې د اوکراین نه د ملاتړ او د روسیې او لویدیځ ترمنځه د ارتباطاتو د دوام په خاطر په روسیې نه بندیزونه لګولي او نه يي ورسره اړیکې شلولي.
هغه وویل چې مونږ مجبور یو چې د خپل هیواد د لومړیتوبونو له مخې ګام اوچت کړو. د همدې امله ترکیې پر روسیې کوم بندیز ندی لګولی.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718968795)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718968795)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله