په ایزمیر او موغلا ولایتونو کې په لسګونو تنه ناقانونه کډوال ونیول شول
د ترکیې د ایزمیر او موغلا په ولایتونو کې په لسګونو تنه ناقانونه کډوال له مرګه وژغورل شول.
د ایزمیر ولایت د چشمې او دیکیلي په ولسوالیو کې ۱۳۷ تنه ناقانونه کډوال چې د یوناني ځواکونو لخوا د ترکیې اوبو ته راشړي وو او په سمندر کې د مرګ د ګواښ سره مخامخ شول د ترکيې د سواحلو د امنیت د ګارد ځواکونو لخوا وژغورل شول.
د ایزمیر ولایت د سواحلو د امنیت قومندانۍ ویلي دي چې د چشمې او دیکیلي په ولسوالیو کې د ناقانونه کډوالو په اړه په جلا جلا راپورنه ترلاسه کړل.
سمدلاسه د ژغورنې ډلې سیمې ته واستول شوې او کډوال چې د مرګ د ګواښ سره مخامخ ول وژغورل شول.
په چشمې او دیکیلي ولسوالیو کې ۱۳۷ تنه کډوال وژغورل شول.
همداشان د موغلا ولایت د سواحلو د امنیت قومندانۍ هم تر سلو تنو ډیرو ناقانونه کډوالو د ژغورولو نه خبر ورکړی دی.
د ترکیې د سواحلو د امنیت ځواکونو د موغلا ولایت د کوی جاغیز په ولسوالۍ کې په یوې کښتۍ کې څه باندې ۱۰۰ تنه ناقانونه کډوال تثبت کړل. دا کډوال چې د یوناني ځواکونو لخوا په زور سره راشړل شوي وو د سړې هوا څپو له امله د مرګ د ګواښ سره مخامخ وو. کډوال د ژغورلو نه وروسته د کب نیوونکو کښتیو په مرسته وچې ته راوویستل شول.
نیول شوي کډوال د لومړنیو تحقیقاتو نه وروسته د کډوالو د چارو ریاست ته وسپارل شول.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
