په کابل کې تیره ورځ د جومات په دروازه کې د چاودنې په اړه د ترکیې د خواخوږۍ پیغام
ترکیې تیره ورځ د افغانستان په پلازمینه کابل کې د عیدګاه جومات د دروازې په مخکې پر ملکي وګړو برید په کلکو ټکو وغنده .
ترکیې تیره ورځ د افغانستان په پلازمینه کابل کې د عیدګاه جومات د دروازې په مخکې پر ملکي وګړو برید په کلکو ټکو وغنده .
ترکیې د بهرنیو چارو وزارت ددې پيښې له امله د خواخوږۍ پيغام خپور کړ.
د بهرنیو چارو وزارت لخوا په خپور شوي پیغام کې راغلي دي چې " په ډیرې خواشینۍ سره مو تیره ورځ د کابل د عیدګاه جومات په مخکې د فاتحې د مراسمو پر مهال د چاودنې په اړه چې په نتیجه کې ګن شمیر کسانو ته مرګ ژوبله اوښتې خبر ترلاسه کړ .
ترکیه دا منفور ، ضد انساني او ضد اخلاقي برید په کلکو ټکو غندي، د پيښې د قربانیانو لپاره د الله د دربار څخه د رحمت او مغفرت ، ټپیانو ته د عاجلې شفاء غوښتنه کوي او ددې پيښې له امله خپل د تسلیت او ډاډګیرنې مراتب وړاندې کوي.
ترکیه په افغانستان کې هر څه ژر امنیت او ثبات د ټینګښت هیله او غوښتنه کوي."
اړوند خبرونه
تورکیې وویل چې د اسرائیلو لخوا پر لبنان برید کول په ټوله سیمه کې د ګډوډۍ د هڅو لپاره یو نوی پړاو دی.
د تورکیې د بهرنیو چارو وزارت په لبنان باندې د اسرائیلو د بریدونو او تاوتریخوالی په اړه بیان خپور کړ.