هاکان فیدان :ورځ زموږ د ګډو هڅو او د فلسطینیانو د مقاومت له امله،په عمومي اسامبله کې څوکۍ لري.

د تورکیې د  بهرنیو چارو وزیر هاکان فیدان د اسرائیل پلوه رسنیو د  غلطو معلوماتو سره د مبارزې په اهمیت ټینګار وکړ.

هغه وویل "نړیوال حقوق زموږ تر ترڅنګ دي. نن ورځ زموږ د ګډو هڅو او د فلسطینیانو د مقاومت له امله، فلسطین په عمومي اسامبله کې څوکۍ لري."

هاکان فیدان د اسلامي همکاریو د سازمان  او د عربي ټولنې غزې تماس ډلې د بهرنیو چارو وزیرانو په غونډه کې چې د ملګرو ملتونو د ۷۹مې عمومي غونډې په څنډه کې د امریکا په نیویارک ښار کې جوړه شوه ګډون وکړ.

فیدان وویل چې دوی د نوامبر راهیسې د "اسرائیلو نسل وژنې" بندولو او د فلسطیني ملکي وګړو د روانو بریدونو په اړه د نړیوال پوهاوي د کچې د لوړولو لپاره ترټولو غوره هڅه کوي، او دا چې د دې اونۍ په غونډو او دوه اړخیزو خبرو اترو کې باید د فلسطین پر وضعیت چې چاقو هډوکې ته رسیدلی دی او ددې په خطرناکو پایلو باید  تمرکز وکړو .

فیدان د اسرائیل پلوه رسنیو د غلطو معلوماتو سره د مبارزې" اهمیت ته په اشارې  سره وویل چې دا ډول غلط خبرونه او داستانونه  "د اشغال ژورولو لپاره کارول کیږي"، فیدان وویل: "نړیوال حقوق زموږ تر څنګ دی. نن ورځ زموږ د ګډو هڅو او د فلسطینیانو د قوي مقاومت له برکته  فلسطین په عمومي اسامبله کې څوکۍ لري.